નવી દિલ્‍હી, તા.૨૧: પાકિસ્‍તાનમાં ૫.૨ ની તીવ્રતાનો ભૂકંપ આવ્‍યો. આ ભૂકંપ ૧૩૫ કિલોમીટરની ઊંડાઈએ આવ્‍યો હતો. ભારતીય અને યુરેશિયન પ્‍લેટોના અથડામણને કારણે આ પ્રદેશ ભૂકંપ માટે ખૂબ જ સંવેદનશીલ છે. બલુચિસ્‍તાન, કાશ્‍મીર અને ગિલગિટ-બાલ્‍ટિસ્‍તાનને સૌથી સંવેદનશીલ વિસ્‍તારો માનવામાં આવે છે.

પાકિસ્‍તાન અને અફઘાનિસ્‍તાનમાં ફરી એકવાર જમીન ધ્રુજી ઉઠી. નેશનલ સેન્‍ટર ફોર સિસ્‍મોલોજી અનુસાર, વહેલી સવારે ૫.૨ ની તીવ્રતાનો ભૂકંપ નોંધાયો હતો. આ ભૂકંપ ૧૩૫ કિલોમીટરની ઊંડાઈએ આવ્‍યો હતો. આ ભૂકંપ બંને દેશો વચ્‍ચે ડ્‍યુરન્‍ડ લાઇન પર જ આવ્‍યો હતો. રાહતની વાત એ છે કે કોઈ મોટું નુકસાન થયું નથી. નિષ્‍ણાતો કહે છે કે બે પ્રકારના ભૂકંપ હોય છે. છીછરા ઊંડાઈ પર આવતા ભૂકંપને વધુ ખતરનાક માનવામાં આવે છે કારણ કે તેમના આંચકા સપાટી પર સીધી અને મજબૂત અસર કરે છે. જો કે, જમીન પર પહોંચતા સુધીમાં મોટી ઊંડાઈ પર આવતા ભૂકંપની અસર થોડી ઓછી થઈ જાય છે.

પાકિસ્‍તાન, અફઘાનિસ્‍તાન અને ઉત્તર ભારત વિશ્વના સૌથી વધુ ભૂકંપ-સંભવિત ક્ષેત્રોમાં આવે છે. ભારતીય પ્‍લેટ અને યુરેશિયન પ્‍લેટ અહીં અથડાય છે. આ ટક્કરથી સમગ્ર પ્રદેશ સતત ભૂકંપની પ્રવળત્તિથી પ્રભાવિત રહે છે, જેના પરિણામે ત્રણેય દેશોમાં વારંવાર હળવા આંચકા અનુભવાય છે. ભૂસ્‍તરશાષાીઓના મતે, પાકિસ્‍તાન અસંખ્‍ય સક્રિય ફોલ્‍ટ લાઇનોથી ઘેરાયેલું છે, જેના કારણે અહીં મોટા અને નાના બંને પ્રકારના ભૂકંપ આવે છે. બલુચિસ્‍તાન, ખૈબર પખ્‍તુનખ્‍વા અને ગિલગિટ-બાલ્‍ટિસ્‍તાનને સૌથી સંવેદનશીલ વિસ્‍તારો માનવામાં આવે છે કારણ કે તે યુરેશિયન પ્‍લેટની ધાર પર આવેલા છે.