નવી દિલ્હી: ભારતીય સિનેમાના દિગ્ગજ કલાકાર ધર્મેન્દ્રજીના નિધન પર વડાપ્રધાન નરેન્દ્રભાઈ મોદીએ ઊંડો શોક વ્યક્ત કર્યો છે. વડાપ્રધાન મોદીએ જણાવ્યું કે ધર્મેન્દ્રજીના જવાથી ભારતીય સિનેમાના એક યુગનો અંત આવ્યો છે.

વડાપ્રધાન શ્રી મોદીએ સોશિયલ મીડિયા પ્લેટફોર્મ પર પોતાની સંવેદના વ્યક્ત કરતા લખ્યું કે, ધર્મેન્દ્રજી એક પ્રતિષ્ઠિત ફિલ્મ વ્યક્તિત્વ અને અદ્ભુત અભિનેતા હતા, જેમણે તેમની દરેક ભૂમિકામાં આકર્ષણ અને ઊંડાણ લાવ્યા હતા. તેમણે જે વિવિધ ભૂમિકાઓ ભજવી તે અગણિત લોકોના હૃદયને સ્પર્શી ગઈ.

શ્રી મોદીએ વધુમાં જણાવ્યું કે, "ધર્મેન્દ્રજી તેમની સરળતા, વિનમ્રતા અને ઉષ્મા માટે પણ એટલા જ પ્રશંસનીય હતા. આ દુ:ખની ઘડીમાં, મારા વિચારો તેમના પરિવાર, મિત્રો અને અસંખ્ય ચાહકોની સાથે છે. ઓમ શાંતિ."

ધર્મેન્દ્રજીને ભારતીય સિનેમાના 'હી-મેન' તરીકે ઓળખવામાં આવતા હતા અને તેમણે દાયકાઓ સુધી દર્શકોના દિલ પર રાજ કર્યું હતું. તેમના નિધનથી સમગ્ર દેશમાં શોકની લાગણી વ્યાપી ગઈ છે.