નવી દિલ્હી: ૩૩ રાજ્યો અને કેન્દ્રશાસિત પ્રદેશોમાં દિલ્હી સૌથી વધુ પ્રદૂષિત સાબિત થયું છે, જ્યાં હવામાં ઝેરી રજકણોનું પ્રમાણ ખતરનાક સ્તરે પહોંચ્યું છે.
દેશની રાજધાની દિલ્હીમાં શ્વાસ લેવો હવે અત્યંત જોખમી બની ગયું છે. તાજેતરમાં જાહેર થયેલા ડેટા મુજબ, ભારતના ૩૩ રાજ્યો અને કેન્દ્રશાસિત પ્રદેશોમાં દિલ્હી સૌથી વધુ પ્રદૂષિત ક્ષેત્ર તરીકે ઉભરી આવ્યું છે.

અહીં પીએમ ૨.૫ (હવામાં રહેલા સૂક્ષ્મ અને ઘાતક રજકણો) નું વાર્ષિક સરેરાશ પ્રમાણ ૧૦૧ માઇક્રોગ્રામ પ્રતિ ઘન મીટર નોંધાયું છે. આ આંકડો ભારતીય સુરક્ષા ધોરણો કરતા ૨.૫ ગણો અને વિશ્વ આરોગ્ય સંસ્થા (ડબલ્યુએચઓ) ના નક્કી કરેલા માપદંડો કરતા ૨૦ ગણો વધારે છે.