નવી દિલ્હી: રેટિંગ એજન્સી ક્રિસિલના અહેવાલ મુજબ, ભારતમાં ડેટા સેન્ટર ઉદ્યોગમાં જબરદસ્ત ઉછાળો જોવા મળી રહ્યો છે અને નાણાકીય વર્ષ ૨૦૨૮ સુધીમાં આ ક્ષેત્રની આવક ૨૦,૦૦૦ કરોડ રૂપિયાને આંબી જશે.

આ વૃદ્ધિ પાછળ ડેટા વપરાશમાં વધારો અને આર્ટિફિશિયલ ઇન્ટેલિજન્સ (એઆઈ) નો વ્યાપ મુખ્ય કારણ છે.

રિપોર્ટમાં જણાવવામાં આવ્યું છે કે ટાટા કન્સલ્ટન્સી સર્વિસિસ (ટીસીએસ), રિલાયન્સ અને અદાણી જેવા મોટા ઉદ્યોગ જૂથો આ ક્ષેત્રમાં જંગી રોકાણ કરી રહ્યા છે. ભારતમાં ડિજિટલ ક્રાંતિ અને ૫-જી સેવાઓના વિસ્તરણને કારણે ડેટા સ્ટોરેજની માંગમાં વિસ્ફોટક વધારો થયો છે. આગામી વર્ષોમાં ભારત એશિયાનું મુખ્ય ડેટા સેન્ટર હબ બનવા જઈ રહ્યું છે, જે અર્થતંત્રને નવી ગતિ આપશે