અમદાવાદ: મુંબઈ-અમદાવાદ હાઈ સ્પીડ રેલ (બુલેટ ટ્રેન) પ્રોજેક્ટ હવે માત્ર રેલવે લાઈન પૂરતો સીમિત નહીં રહે. ગુજરાત સરકારે આ પ્રોજેક્ટ હેઠળ ગુજરાતમાં આવતા ૮ રેલવે સ્ટેશનોની આસપાસના વિસ્તારનો સુગ્રથિત વિકાસ કરવા માટે 'ગુજરાત હાઈ સ્પીડ રેલ સ્ટેશન એરિયા પ્લાનિંગ ઓથોરિટી'ની સ્થાપના કરી છે. 
આ સત્તામંડળ, આ ૮ રેલ્વે સ્ટેશનની આસપાસના વિસ્તારોમાં ટાઉન પ્લાનિંગ, કોમર્શિયલ ડેવલપમેન્ટ અને કનેક્ટિવિટી સુધારવાનું કામ કરશે, જેથી મુસાફરોને વિશ્વકક્ષાની સુવિધાઓ મળી રહે.