બેંગલુરુ: ભારતીય અવકાશ સંશોધન સંસ્થા (ઈસરો) ૧૫ ડિસેમ્બરના રોજ વધુ એક સિદ્ધિ હાંસલ કરવા જઈ રહી છે. 
ઈસરો પોતાના સૌથી શક્તિશાળી રોકેટ એલવીએમ-૩ દ્વારા 'બ્લ્યુબર્ડ-૬' નામનો અમેરિકન ઉપગ્રહ લોન્ચ કરશે. 
આ ઉપગ્રહ ભારત દ્વારા લો અર્થ ઓર્બિટમાં સ્થાપિત કરવામાં આવનાર અત્યાર સુધીનો સૌથી વજનદાર અમેરિકન કોમર્શિયલ કોમ્યુનિકેશન સેટેલાઇટ હશે. 
આ લોન્ચિંગ સાથે જ ઈસરો વૈશ્વિક કોમર્શિયલ સેટેલાઇટ લોન્ચિંગ માર્કેટમાં પોતાનું સ્થાન વધુ મજબૂત કરશે.