આસામ સરકારે બહુપત્નીત્વ (એકથી વધુ પત્નીઓ હોવી) પ્રથા પર સત્તાવાર રીતે પ્રતિબંધ મૂકી દીધો છે. આ કાયદાના ભંગ બદલ કડક સજાની જોગવાઈ કરવામાં આવી છે.
આસામ સરકારે સામાજિક સુધારાની દિશામાં મોટું પગલું ભરતા રાજ્યમાં બહુપત્નીત્વ પર પ્રતિબંધ ફરમાવ્યો છે. નવા નિયમો અનુસાર, જો કોઈ વ્યક્તિ આ કાયદાનો ભંગ કરીને બીજા લગ્ન કરશે તો તેને ૭ વર્ષ સુધીની જેલની સજા થઈ શકે છે. એટલું જ નહીં, જો કોઈ વ્યક્તિ પોતાના પહેલા લગ્નની વાત છુપાવીને બીજા લગ્ન કરશે તો તેને ૧૦ વર્ષ સુધીની કડક જેલની સજા ફટકારવામાં આવશે. આ નિર્ણયનો ઉદ્દેશ્ય મહિલાઓના અધિકારોનું રક્ષણ કરવાનો છે.