નવી દિલ્હી :વિશ્વની દિગ્ગજ ઈલેક્ટ્રિક કાર નિર્માતા કંપની ટેસ્લા ભારતમાં આવવા માટે થનગની રહી છે. જોકે, કાર લોન્ચ કરતા પહેલા કંપની ભારતમાં સૌથી મોટી સમસ્યા ગણાતા ચાર્જિંગ ઈન્ફ્રાસ્ટ્રક્ચર પર ધ્યાન કેન્દ્રિત કરશે.

ટેસ્લાનો ઉદ્દેશ્ય ભારતમાં એક મજબૂત અને ઝડપી ચાર્જિંગ નેટવર્ક ઊભું કરવાનો છે, જેથી ગ્રાહકોમાં ઈલેક્ટ્રિક વાહન ખરીદવા પ્રત્યેનો વિશ્વાસ વધે અને 'રેન્જ એન્ઝાઈટી' દૂર થાય. આ ચાર્જિંગ નેટવર્ક માત્ર ટેસ્લા માટે જ નહીં પણ ભારતના સમગ્ર ઈવી ઈકોસિસ્ટમ માટે બુસ્ટર ડોઝ સાબિત થઈ શકે છે.
નિષ્ણાતો માને છે કે ચાર્જિંગ સ્ટેશનોનું આયોજન એ ટેસ્લાના ભારતમાં આગમનનો જ એક ભાગ છે.