નવી દિલ્હી, તા. ૨૮ નવેમ્બર, ૨૦૨૫ : વડાપ્રધાન નરેન્દ્રભાઈ મોદી આજે કર્ણાટક અને ગોવાની મુલાકાત લેશે. આ મુલાકાત દરમિયાન તેઓ અનેક મુખ્ય ધાર્મિક પ્રોજેક્ટ્સનું ઉદ્ઘાટન કરશે અને ઐતિહાસિક કાર્યક્રમોમાં ભાગ લેશે.
કર્ણાટકમાં કાર્યક્રમ
વડાપ્રધાન મોદી કર્ણાટકના ઉડુપીમાં સ્થિત શ્રી કૃષ્ણ મઠની મુલાકાત લેશે અને ત્યાં યોજાનાર લક્ષ કંઠ ગીતા પારાયણ કાર્યક્રમમાં ભાગ લેશે.
 * તેઓ કૃષ્ણ ગર્ભગૃહની સામે સ્થિત સુવર્ણ તીર્થ મંડપનું ઉદ્ઘાટન કરશે.
 * તેમજ પવિત્ર કનકન કિંડી માટે કનક કવચનું અનાવરણ કરશે.
ગોવામાં ૫૫૦મા વર્ષની ઉજવણી
બાદમાં, વડાપ્રધાન ગોવામાં શ્રી સંસ્થાન ગોકર્ણ પર્તગાલી જીવોત્તમ મઠના ૫૫૦મા વર્ષની ઉજવણી (સાર્ધ પંચાશતમાનોત્સવ) પ્રસંગે હાજરી આપશે.
 * આ મઠમાં તેઓ કાંસ્યની બનેલી ૭૭ ફૂટ ઊંચી શ્રી રામની પ્રતિમાનું અનાવરણ કરશે.
 * સાથે જ, તેઓ રામાયણ થીમ પાર્ક ગાર્ડનનું પણ ઉદ્ઘાટન કરશે.
 * આ પ્રસંગે વડાપ્રધાન જનસભાને સંબોધશે અને એક વિશેષ પોસ્ટલ સ્ટેમ્પ તથા એક સ્મૃતિ સિક્કો પણ બહાર પાડશે.