છેલ્લા 8 દિવસમાં સૌથી લોકપ્રિય હેં...વારાણસીમાં ભાજપનો પરાજય 9:51 AM
ગોવાઃ વિશ્વની સૌથી ઊંચી રામ પ્રતિમાનું પીએમ મોદીના હસ્તે લોકાર્પણ
૭૭ ફૂટ ઊંચી ભવ્ય કાંસ્ય પ્રતિમા ગોવાના પ્રવાસનને આપશે નવું આકર્ષણ
નવી દિલ્હી, તા.૨૮: પ્રધાનમંત્રી નરેન્દ્ર મોદીએ દક્ષિણ ગોવાના કાનાકોનામાં આવેલા ઐતિહાસિક શ્રી સંસ્થાન ગોકર્ણ જીવોત્તમ મઠ ખાતે ભગવાન શ્રી રામની વિશ્વની સૌથી ઊંચી, ૭૭ ફૂટ ઊંચી કાંસ્ય પ્રતિમાનું ભવ્ય અનાવરણ કર્યું છે. આ અવસર મઠની ૫૫૦મી વર્ષગાંઠ, જેને સારદ પંચશતમનોત્સવ તરીકે ઉજવવામાં આવી રહી છે, તેનો એક મહત્વનો ભાગ છે. આ ભવ્ય પ્રતિમાનું નિર્માણ પ્રખ્યાત ભારતીય શિલ્પકાર રામ સુતાર દ્વારા કરવામાં આવ્યું છે, જેમને ગુજરાતમાં વિશ્વ વિખ્યાત સ્ટેચ્યુ ઓફ યુનિટીની રચના કરવાનો પણ શ્રેય જાય છે. પીએમ મોદીના આગમન માટે મઠ પરિસરમાં ખાસ હેલિપેડ તૈયાર કરવામાં આવ્યું હતું, જે દર્શાવે છે કે આ કાર્યક્રમનું આયોજન કેટલું વિશાળ સ્તરે કરવામાં આવ્યું હતું.
પ્રધાનમંત્રી મોદીએ આ પવિત્ર મઠની મુલાકાત લીધા બાદ એક વિશાળ જાહેર સભાને સંબોધિત કરી હતી, જ્યાં તેમણે મઠ દ્વારા વિકસાવવામાં આવેલ રામાયણ થીમ પાર્ક ગાર્ડનનું પણ ઉદ્ધાટન કર્યું. આ ધાર્મિક અને સાંસ્કળતિક મહત્વના કાર્યક્રમમાં ગોવાના રાજ્યપાલ અશોક ગજપતિ રાજુ, મુખ્યમંત્રી પ્રમોદ સાવંત, કેન્દ્રીય મંત્રી શ્રીપદ નાઈક અને રાજ્ય મંત્રીમંડળના સભ્યો સહિત અનેક મહાનુભાવોએ હાજરી આપી હતી. આયોજકોના મતે, આ ઉત્સવ તાજેતરના વર્ષોમાં મઠમાં આયોજિત સૌથી મોટા કાર્યક્રમોમાંનો એક છે, જે ૨૭ નવેમ્બરથી ૭ ડિસેમ્બર સુધી ચાલનારા ૫૫૦ વર્ષ જૂની પરંપરાના કાર્યક્રમોનો ભાગ છે.
આ પ્રસંગે પીએમ મોદીએ એક ખાસ ટપાલ ટિકિટ અને એક સ્મારક સિક્કો પણ બહાર પાડ્યો હતો, જે મઠના ઐતિહાસિક અને આધ્યાત્મિક યોગદાનને ચિરંજીવ બનાવશે. શ્રી સંસ્થાન ગોકર્ણ પાર્થગલી જીવોત્તમ મઠ એ પ્રથમ ગૌડ સારસ્વત બ્રાહ્મણ વૈષ્ણવ મઠ છે, જે ૧૩મી સદીમાં જગદગુરુ માધવાચાર્ય દ્વારા સ્થાપિત દ્વૈત સંપ્રદાયને અનુસરે છે. આ મઠ લગભગ ૩૭૦ વર્ષ પહેલાં પોર્ટુગાલી શહેરમાં કુશાવતી નદીના કિનારે સ્થાપિત કરવામાં આવ્યો હતો અને તે આજે પણ એક અગ્રણી આધ્યાત્મિક કેન્દ્ર તરીકે કાર્યરત છે. જાહેર બાંધકામ વિભાગના મંત્રી દિગંબર કામતના જણાવ્યા અનુસાર, આ નવી પ્રતિમા મઠના આધ્યાત્મિક અને સાંસ્કળતિક મહત્વને ચાર ચાંદ લગાવી દેશે.વિશ્વની સૌથી ઊંચી રામ પ્રતિમાનું અનાવરણ માત્ર ધાર્મિક કાર્યક્રમ નથી, પરંતુ તે ગોવાના પ્રવાસન માટે એક મોટી ભેટ પણ છે. એવી અપેક્ષા છે કે આ ભવ્ય કાંસ્ય પ્રતિમા ભવિષ્યમાં ગોવા આવતા પ્રવાસીઓ માટે એક મુખ્ય આકર્ષણનું કેન્દ્ર બનશે, જે આ નાના શહેર પોર્ટુગાલીને વૈશ્વિક નકશા પર વધુ પ્રમુખતા આપશે. આયોજકોનો અંદાજ છે કે ઉત્સવ દરમિયાન દરરોજ ૭,૦૦૦ થી ૧૦,૦૦૦ ભક્તો મઠ પરિસરની મુલાકાત લેશે, જેના માટે સમગ્ર સંકુલનું નવીનીકરણ કરવામાં આવ્યું છે
(3:24 PM IST)
