ઝારખંડના પશ્ચિમ સિંહભૂમ જિલ્લાના ચૈબાસાના સારંડા વિસ્તારમાં આજે IED વિસ્ફોટમાં એક મહિલાનું મોત નીપજ્યું છે જયારે બે અન્ય ઘાયલ થયા છે . ઝારૈકેલા પોલીસ સ્ટેશનના અધિકારક્ષેત્ર હેઠળ આવતા કોલબોંગા ગામ નજીકના જંગલમાં IED વિસ્ફોટ થયો હતો. એવી શંકા છે કે જંગલમાં પાંદડા એકઠા કરવા ગયેલી મહિલાઓએ ભૂગર્ભમાં લગાવેલા IED પર પગ મૂક્યો હતો, જેના કારણે એક શક્તિશાળી વિસ્ફોટ થયો હતો જેમાં તેઓ ફસાઈ ગયા હતા.