છેલ્લા 8 દિવસમાં સૌથી લોકપ્રિય હેં...વારાણસીમાં ભાજપનો પરાજય 9:51 AM
પતંજલિનું ગાયનું ઘી પરીક્ષણમાં નિષ્ફળઃ ૧.૪૦ લાખનો દંડ
બાબા રામદેવની પતંજલિ કંપનીને કોર્ટમાંથી ઝટકો
પિથોરાગઢ તા.૨૯: ઉત્તરાખંડના સરહદી જિલ્લા પિથોરાગઢમાં બાબા રામદેવની પતંજલિ કંપનીના ઘીના નમૂના પરીક્ષણમાં નિષ્ફળ ગયા છે. કંપની અને અન્ય ત્રણ ઉદ્યોગપતિઓને રુ.૧૪૦,૦૦૦નો દંડ ફટકારવામાં આવ્યો છે. પિથોરાગઢના ફૂડ સેફટી એન્ડ ડ્રગ એડમિનિસ્ટ્રેશનના આસિસ્ટન્ટ કમિશનર આર.કે શર્માએ આ માહિતી આપી હતી. આ ઘીના નમૂના ૨૦૨૦માં લેવામાં આવ્યા હતા. આ નિર્ણય ગુરુવાર ૨૭ નવેમ્બર ૨૦૨૫ના રોજ જાહેર કરવામાં આવ્યો હતો.
પિથોરાગઢના ફૂડ સેફટી એન્ડ ડ્રગ એડમિનિસ્ટ્રેશનના આસિસ્ટન્ટ કમિશનર આર.કે. શર્માએ જણાવ્યું હતું કે, પિથોરાગઢમાં ઘીના નમૂના લેવામાં આવ્યા હતા. તેનું રાજ્ય સ્તર (રુદ્રપુર) અને રાષ્ટ્રીય સ્તર (ગાઝિયાબાદ) લેબમાં પરીક્ષણ કરવામાં આવ્યું હતું. પરીક્ષણોમાં જાણવા મળ્યું કે ઘી ધોરણોને પૂર્ણ કરતું નથી. આ ઘીનું સેવન કરવાથી આડઅસરો થઈ શકે છે અને બીમારી પણ થઈ શકે છે.
સહાયક કમિશનર આર.કે. શર્માના જણાવ્યા અનુસાર, ૨૦ ઓક્ટોબર, ૨૦૨૦ ના રોજ, ફૂડ સેફટી ઓફિસર દિલીપ જૈને નિયમિત નિરીક્ષણ દરમિયાન પિથોરાગઢના કાસનીમાં કરણ જનરલ સ્ટોરમાંથી પતંજાલિ ગાયના ઘીના નમૂના એકત્રિત કર્યા હતા. ત્યારબાદ આ નમૂના રૂદ્રપુરમાં રાજ્ય સરકારની રાજ્ય પ્રયોગશાળામાં મોકલવામાં આવ્યા હતા, જ્યાં ઘી પ્રમાણભૂત ધોરણોથી નીચે હોવાનું જાણવા મળ્યું હતું.
પતંજલિના અધિકારીઓને ૨૦૨૧માં આ અંગે જાણ કરવામાં આવી હતી, પરંતુ કંપનીએ લાંબા સમય સુધી કોઈ જવાબ આપ્યો ન હતો. જોકે, કંપનીના અધિકારીઓએ પાછળથી ૧૫ ઓક્ટોબર, ૨૦૨૧ ના રોજ ફરીથી પરીક્ષણની વિનંતી કરી. કંપનીએ કેન્દ્રીય પ્રયોગશાળામાં નમૂનાઓનું પરીક્ષણ કરાવવા સંમતિ આપી. પતંજલિએ આ માટેરૂા.૫,૦૦૦ની નિશ્ચિત ફી પણ લીધી.
આ પછી, અધિકારીઓની એક ટીમ ૧૬ ઓક્ટોબર, ૨૦૨૧ ના રોજ ગાઝિયાબાદ (ઉત્તર પ્રદેશ)માં આવેલી રાષ્ટ્રીય ખાદ્ય પ્રયોગશાળામાં નમૂનાઓનું ફરીથી પરીક્ષણ કરવા ગઈ, જ્યાં ઘીનું ફરીથી પરીક્ષણ કરવામાં આવ્યું. રાષ્ટ્રીય ખાદ્ય પ્રયોગશાળાએ ૨૬ નવેમ્બર, ૨૦૨૧ ના રોજ પોતાનો અહેવાલ રજૂ કર્યો. ત્યાં પણ, પતંજલિ ગાયના ઘીના નમૂનાઓ ધોરણોને પૂર્ણ કરવામાં નિષ્ફળ ગયા. ત્યારબાદ બે મહિના સુધી રિપોર્ટનો અભ્યાસ કરવામાં આવ્યો, અને ૧૭ ફેબ્રુઆરી, ૨૦૨૨ ના રોજ કોર્ટ સમક્ષ કેસ રજૂ કરવામાં આવ્યો. ત્યારબાદ, પતંજલિને નોટિસ જારી કરવામાં આવી.
ફૂડ સેફટી વિભાગના અધિકારી દિલીપ જૈને આ કેસમાં પિથોરાગઢના એડજ્યુડિકેટિગ ઓફિસર/એડિશનલ ડિસ્ટ્રિક્ટ મેજિસ્ટ્રેટ યોગેન્દ્ર સિહની કોર્ટમાં પુરાવા આપ્યા. કોર્ટે ગુરુવારે, ૧,૩૪૮ દિવસ પછી, પતંજાલિ આયુર્વેદ લિમિટેડ (ઉત્પાદક) પર રુ.૧૦૦,૦૦૦, બ્રહ્મા એજન્સી (વિતરક) પર રૂા.૨૫,૦૦૦ અને કરણ જનરલ સ્ટોર (વેચનાર) પર રુ.૧૫,૦૦૦ નો દંડ ફટકાર્યો. તેમને ફૂડ સેફટી એન્ડ સ્ટાન્ડર્ડ્સ એક્ટ, ૨૦૦૬ની જોગવાઈઓનું પાલન કરવાની પણ ચેતવણી આપવામાં આવી હતી
(9:55 AM IST)
