નેશનલ હેરાલ્ડ કેસમાં કોંગ્રેસના શીર્ષ નેતૃત્વ માટે આજનો દિવસ અત્યંત નિર્ણાયક સાબિત થઈ શકે છે. દિલ્હીની રાઉઝ એવેન્યુ કોર્ટ આજે એન્ફોર્સમેન્ટ ડિરેક્ટોરેટ (ઈડી) દ્વારા દાખલ કરવામાં આવેલી ચાર્જશીટ પર પોતાનો ચુકાદો આપશે.

ઈડીએ આ હાઈ-પ્રોફાઈલ કેસમાં સોનિયા ગાંધી, રાહુલ ગાંધી અને સૅમ પિત્રોડા સહિતના દિગ્ગજોને આરોપી તરીકે નામજદ કર્યા છે. કોર્ટ આજે નક્કી કરશે કે આ ચાર્જશીટની નોંધ લઈ આગળની કાર્યવાહી કેવી રીતે ચલાવવી. 

આ કેસ લાંબા સમયથી કોંગ્રેસ માટે રાજકીય મુસીબતનો વિષય રહ્યો છે અને આજના કોર્ટના વલણ પર દેશભરની નજર છે.