ગેંગસ્ટરો અને બુકીઓ માટે સુરક્ષિત ગણાતા દુબઈમાં હવે ગેંગવોરની ઘટનાઓ સામે આવવા લાગી છે. લોરેન્સ બિશ્નોય ગેંગના એક કથિત સાથીદાર અને ચાર્ટર્ડ એકાઉન્ટન્ટ (CA) તરીકે ઓળખાતા મહેન્દ્ર પ્રતાપ સિંહની દુબઈમાં ગળું કાપીને નિર્મમ હત્યા કરવામાં આવી છે.

પ્રાપ્ત માહિતી અનુસાર, મહેન્દ્ર પ્રતાપ સિંહને લોરેન્સ બિશ્નોય ગેંગના ફાઇનાન્સર તરીકે પણ ઓળખવામાં આવતા હતા. તેમની હત્યાની રીત જોતાં, પોલીસ માને છે કે આ હત્યા જૂની અદાવત અથવા ગેંગસ્ટરના વેરનો ભાગ છે.

મહેન્દ્ર પ્રતાપ સિંહની ગળું કાપીને હત્યા કરવાથી દુબઈમાં વસતા ભારતીય અંડરવર્લ્ડમાં સનસનાટી મચી ગઈ છે. આ ઘટના દર્શાવે છે કે દુબઈમાં રહીને ભારત અને અન્ય દેશોમાં ક્રાઇમ કરનારા ગેંગસ્ટરો પણ હવે ત્યાં સંપૂર્ણપણે સુરક્ષિત નથી. દુબઈ પોલીસે આ અંગે તપાસ શરૂ કરી દીધી છે અને ભારતીય એજન્સીઓ પણ આ ઘટના પર નજર રાખી રહી છે.