ચીને બેટરી અને ઇલેક્ટ્રિક વાહન (ઈવી) સેક્ટરમાં ભારતની ઉત્પાદન આધારિત પ્રોત્સાહન યોજના (પીએલઆઈ સ્કીમ) વિરુદ્ધ વિશ્વ વેપાર સંગઠન (ડબલ્યુ ટી ઓ) માં ફરિયાદ દાખલ કરી છે. ચીનનો આરોપ છે કે ભારતની આ સ્કીમ વૈશ્વિક વેપાર નિયમોનું ઉલ્લંઘન કરે છે અને ચીની કંપનીઓ માટે ભેદભાવપૂર્ણ છે.

ચીનનું કહેવું છે કે ભારતની પીએલઆઈ સ્કીમ સ્થાનિક ઉત્પાદનને પ્રોત્સાહિત કરવાના નામે ચીન સહિત અન્ય વિદેશી કંપનીઓ માટે બજારમાં અવરોધો ઊભા કરે છે, ખાસ કરીને બેટરી અને ઈવી સંબંધિત ઘટકોના આયાત પર પ્રતિબંધો મૂકીને.

ચીની વેપાર મંત્રાલયે ડબલ્યુટીઓને વિનંતી કરી છે કે તેઓ ભારતની આ યોજનાની સમીક્ષા કરે અને તેને નિયમોનું ઉલ્લંઘન કરનારી જાહેર કરે. આ ફરિયાદ ભારત અને ચીન વચ્ચેના વેપાર યુદ્ધમાં એક નવું મોટું પગલું છે, જેનાથી ભારતના 'આત્મનિર્ભર ભારત' અભિયાનને પડકાર મળી શકે છે. ભારત સરકારે આ ફરિયાદનો ડબલ્યુટીઓ સમક્ષ મજબૂતપણે બચાવ કરવાની તૈયારી બતાવી છે.