ભારતના ચૂંટણી પંચે પશ્ચિમ બંગાળમાં મતદાર યાદી સુધારણા કાર્યક્રમ પર દેખરેખ રાખવા માટે પશ્ચિમ બંગાળના નિવૃત્ત આઈએએસ અધિકારી સુબ્રત ગુપ્તાની ખાસ નિમણૂક કરી છે.
પશ્ચિમ બંગાળમાં આગામી સમયમાં મતદાર યાદીની ખાસ સંક્ષિપ્ત સુધારણા પ્રક્રિયા હાથ ધરવામાં આવનાર છે. આ પ્રક્રિયા નિષ્પક્ષ અને પારદર્શક રીતે પૂર્ણ થાય તે સુનિશ્ચિત કરવા માટે ચૂંટણી પંચે આ મહત્વનો નિર્ણય લીધો છે. ૧૯૯૦ બેચના નિવૃત્ત આઈએએસ અધિકારી સુબ્રત ગુપ્તાને ‘સ્પેશિયલ રોલ ઓબ્ઝર્વર’ (વિશેષ મતદાર યાદી નિરીક્ષક) તરીકે નિયુક્ત કરવામાં આવ્યા છે. તેઓ રાજ્યમાં મતદાર યાદીમાં નામ ઉમેરવા, કમી કરવા અને સુધારા કરવાની સમગ્ર કામગીરીનું ઝીણવટભર્યું નિરીક્ષણ કરશે અને ચૂંટણી પંચને રિપોર્ટ કરશે.