આંતરરાષ્ટ્રીય ક્રિકેટ કાઉન્સિલ (આઇસીસી) ના ચેરમેન જય શાહને ક્રિકેટ વહીવટી ક્ષેત્રે તેમના ઉત્કૃષ્ટ યોગદાન બદલ પ્રતિષ્ઠિત ‘ઇન્ડિયન ઓફ ધ યર - આઉટસ્ટેન્ડિંગ અચીવમેન્ટ’ એવોર્ડ એનાયત કરવામાં આવ્યો છે.
ભારતીય ક્રિકેટ કંટ્રોલ બોર્ડ (બીસીસીઆઈ) ના સેક્રેટરી તરીકે અને ત્યારબાદ આઇસીસીના ચેરમેન તરીકે તેમણે ક્રિકેટના વૈશ્વિક વિકાસમાં ભજવેલી મહત્વની ભૂમિકાને બિરદાવવા માટે આ સન્માન આપવામાં આવ્યું છે. તેમના નેતૃત્વમાં ક્રિકેટનો વ્યાપ વધ્યો છે અને મહિલા ક્રિકેટને પણ નવું પ્રોત્સાહન મળ્યું છે. આ એવોર્ડ સમારોહમાં વિવિધ ક્ષેત્રના દિગ્ગજો ઉપસ્થિત રહ્યા હતા.