નેશનલ સ્ટોક એક્સચેન્જે ફીન નીફ્ટી માટે ક્વોન્ટિટી ફ્રીઝ ૧૮૦૦ થી ઘટાડીને ૧૨૦૦ કોન્ટ્રાક્ટ કર્યા, મોટા અને ભૂલભરેલા સોદાને નિયંત્રિત કરવા માટેનું પગલું
મુંબઈ: નેશનલ સ્ટોક એક્સચેન્જ (એનએસઇ) એ ડિસેમ્બર ૧ થી ફિન નિફ્ટી ઇન્ડેક્સ ડેરિવેટિવ્ઝ માટે 'ક્વોન્ટિટી ફ્રીઝ' ની મર્યાદામાં ફેરફાર કર્યો છે. નવી મર્યાદા ૧૮૦૦ કોન્ટ્રાક્ટને બદલે ઘટાડીને ૧૨૦૦ કોન્ટ્રાક્ટ કરવામાં આવી છે. આ ફેરફારનો હેતુ ડેરિવેટિવ્ઝ માર્કેટમાં વધુ વ્યવસ્થિત અને સુરક્ષિત ટ્રેડિંગ સુનિશ્ચિત કરવાનો છે.
'ક્વોન્ટિટી ફ્રીઝ લિમિટ' એ એક જ ઓર્ડરમાં મૂકી શકાય તેવા કોન્ટ્રાક્ટની મહત્તમ સંખ્યા દર્શાવે છે. આ મર્યાદા ઘટાડવાનો મુખ્ય ઉદ્દેશ્ય મોટા અથવા ભૂલભરેલા (ફેટ ફિંગર) સોદાના જોખમને ઘટાડવાનો છે, જે બજારની અસ્થિરતા (વોલાટીલીટી) ને અસામાન્ય રીતે વધારી શકે છે. 
જો કોઈ ટ્રેડર એક જ ઓર્ડરમાં ૧૨૦૦ કરતાં વધુ કોન્ટ્રાક્ટ મૂકવાનો પ્રયાસ કરશે, તો સિસ્ટમ્સ તેને નકારી કાઢશે, અને તે ઓર્ડરને નાના ભાગોમાં વહેંચીને મૂકવો પડશે.