૨૦૨૬ની શરૂઆતમાં લોન્ચ થનારી સેટેલાઇટ ઇન્ટરનેટ સેવા માટે ગ્રાહકોએ ખિસ્સા ઢીલા કરવા પડશે. અહેવાલો મુજબ ભારતમાં આવી રહેલી સ્ટારલિંક જેવી હાઈ-સ્પીડ સેટેલાઇટ ઇન્ટરનેટ સેવા માટે શરૂઆતી સેટઅપ કોસ્ટ અને માસિક લવાજમ સામાન્ય બ્રોડબેન્ડ અને ફાઈબર કનેક્શન કરતા ઘણું ઊંચું રહી શકે છે.

પ્રાપ્ત વિગતો અનુસાર, ગ્રાહકોએ આ સર્વિસ માટે હાર્ડવેર પેટે અંદાજે ૩૦,૦૦૦ થી ૩૩,૦૦૦ રૂપિયાનો એક સાથે ખર્ચ કરવો પડી શકે છે. 

આ ઉપરાંત, માસિક સબસ્ક્રિપ્શન ફી પણ ૩૦૦૦ રૂપિયાની આસપાસ રહેવાની વકી છે. જોકે, આ સેવા અંતરિયાળ અને દુર્ગમ વિસ્તારોમાં જ્યાં ફાઈબર કેબલ પહોંચવા મુશ્કેલ છે ત્યાં હાઈ-સ્પીડ ઇન્ટરનેટ પૂરું પાડવામાં ગેમ ચેન્જર સાબિત થશે. 

કંપની ૨૦૨૬ના પ્રારંભમાં પોતાની સેવાઓ ભારતમાં શરૂ કરે તેવી પ્રબળ શક્યતાઓ છે.