દક્ષિણ રેલવેના ચેન્નાઈ વિભાગે પ્રથમ વખત સ્લીપર ક્લાસના મુસાફરો માટે સ્વચ્છ અને સેનિટાઇઝ્ડ બેડરોલ સેવા શરૂ કરવાની જાહેરાત કરી છે. આ સેવા જાન્યુઆરી 2026માં શરૂ થશે. અત્યાર સુધી બેડરોલ ફક્ત એસી કોચમાં જ ઉપલબ્ધ હતા, પરંતુ હવે નોન - એસી સ્લીપરમાં પણ મુસાફરો માંગ પર અને ચૂકવણી કરીને તેનો લાભ લઈ શકશે.

આ સેવા 2023-24 યોજના હેઠળ શરૂ કરાયેલા સફળ પાયલોટ પ્રોજેક્ટને અનુસરીને NINFRIS (ન્યૂ ઇનોવેટિવ નોન-ફેર રેવન્યુ આઇડિયાઝ સ્કીમ) લાગુ કરવામાં આવી રહી છે. મુસાફરોના સકારાત્મક પ્રતિસાદને પગલે રેલવેએ તેને કાયમી નોન-ફેર રેવન્યુ સ્કીમ તરીકે મંજૂરી આપી છે.

રેલવેનું કહેવું છે કે આનાથી સ્લીપર ક્લાસમાં મુસાફરી વધુ આરામદાયક અને સ્વચ્છ બનશે. તેનાથી લાંબી મુસાફરીમાં બેડરોલની અછતની સમસ્યા પણ દૂર થશે. આ સેવા રેલવે માટે વધારાની આવક પણ ઉભી કરશે. ચેન્નાઈ ડિવિઝનને આ યોજનાથી વાર્ષિક ₹ 28,27,653 લાઇસન્સ ફી મળવાની અપેક્ષા છે.

આ પેકેજ બધી જરૂરિયાતો અને બજેટ ધરાવતા પ્રવાસીઓ માટે સુલભ હોય તે રીતે ડિઝાઇન કરવામાં આવ્યા છે. સફાઈ અને સ્વચ્છતાને ધ્યાનમાં રાખીને બધા બેડ લેનિનને સેનિટાઇઝ કરવામાં આવશે. 

ચેન્નાઈ વિભાગે જાહેરાત કરી છે કે આ સેવા શરૂઆતમાં આગામી ત્રણ વર્ષ માટે 10 મુખ્ય ટ્રેનોમાં લાગુ કરવામાં આવશે.

• મેંગલોર સુપરફાસ્ટ એક્સપ્રેસ (12685/12686)
• મન્નારગુડી એક્સપ્રેસ (16179/16180)
• તિરુચેન્દુર સુપરફાસ્ટ એક્સપ્રેસ (20605/20606)
• પાલઘાટ એક્સપ્રેસ ( 22651/22652)
• સિલમ્બુ સુપરફાસ્ટ એક્સપ્રેસ (20681/20682)
• તાંબરમ - નાગરકોઇલ સુપરફાસ્ટ એક્સપ્રેસ (22657/22658)
• તિરુવનંતપુરમ સુપરફાસ્ટ એક્સપ્રેસ (12695/12696)
• એલેપ્પી સુપરફાસ્ટ એક્સપ્રેસ (22639/22640)