નવી દિલ્‍હી, તા.૧: આજથી સંસદના શિયાળુ સત્રનો ધમાકેદાર પ્રારંભ થયો છે. ૧૮મી લોકસભાનું છઠ્ઠું અને રાજ્‍યસભાનું ૨૬૯ મું સત્ર ૧૯ ડીસે. સુધી ચાલશે. સંસદના પ્રથમ દિવસે બંને ગૃહની કાર્યવાહી શરૂ થતા વિપક્ષે હોબાળો કર્યો હતો. લોકસભામાં સ્‍પીકરે એકટર ધર્મેન્‍દ્રને શ્રધ્‍ધાંજલી આપી હતી અને રાજ્‍યસભામાં પીએમ મોદીએ સભાપતિનું અભિવાદન કર્યુ હતું. લોકસભાની કાર્યવાહી શરૂ થતા જ વિપક્ષે SIR મુદ્દે ધમાલ મચાવી હતી. વિપક્ષના સભ્‍યોએ વેલમાં ઘુસીને પ્‍લેકાર્ડ બતાવીને નારેબાજી શરૂ કરતા કાર્યવાહીને ૧૨ વાગ્‍યા સુધી સ્‍થગિત કરવાના આવી હતી. ત્‍યારબાદ ફરી કાર્યવાહી શરૂ થતા જ વિપક્ષના હોબાળાના કારણે ગૃહને સ્‍થગિત કરવામાં આવ્‍યું.

સ્‍થગિત થયા પછી લોકસભા ફરી શરૂ થઈ ગઈ છે. જોકે, SIR મુદ્દા પર વિપક્ષનો હોબાળો ચાલુ છે. હોબાળા વચ્‍ચે, નાણામંત્રી નિર્મલા સીતારમણે ગળહમાં મણિપુર ગુડ્‍સ એન્‍ડ સર્વિસ ટેક્‍સ (બીજો સુધારો) બિલ રજૂ કર્યું.

કેન્‍દ્રીય મંત્રી ચિરાગ પાસવાને કહ્યું, છેલ્લા સત્રને જુઓ, SIR મુદ્દા પર આખું ગળહ કેવી રીતે ધોવાઈ ગયું હતું. આ સત્રમાં પણ આવી જ પેટર્ન જોવા મળી રહી છે... સરકાર જે પણ ચર્ચા કરવા માંગે છે તેના પર ચર્ચા કરવા માટે સંપૂર્ણપણે તૈયાર છે. અમે ચોક્કસપણે દરેક વિષય પર ચર્ચા કરીશું. પરંતુ ગળહની ગરિમા જાળવી રાખવાની અને સત્રને આગળ વધવા દેવાની જવાબદારી વિપક્ષની છે.

રાજ્‍યસભામાં વિપક્ષના નેતા મલ્લિકાર્જુન ખડગેએ કહ્યું, મને આશા છે કે તમને વાંધો નહીં આવે કે મારે તમારા પુરોગામીના રાજ્‍યસભાના અધ્‍યક્ષ પદ પરથી અચાનક વિદાયનો ઉલ્લેખ કરવો પડશે... મને દુઃખ છે કે ગળહને તેમને વિદાય આપવાની તક મળી નહીં. તેમ છતાં, સમગ્ર વિપક્ષ વતી, હું તેમના સ્‍વસ્‍થ જીવનની શુભેચ્‍છા પાઠવું છું. શાસક પક્ષે ખડગેના નિવેદન સામે વાંધો ઉઠાવ્‍યો, જેના કારણે ગળહમાં હોબાળો થયો.

સમાજવાદી પાર્ટીના વડા અખિલેશ યાદવે SIR પર સરકાર પર નિશાન સાધ્‍યું. તેમણે કહ્યું, આટલી ઉતાવળ કેમ છે? ઉત્તર પ્રદેશ અને પﾍમિ બંગાળમાં ચૂંટણીઓ નજીક નથી. સરકાર ખોટા ડેટા આપી રહી છે, IMF એ પણ આ વાત ધ્‍યાનમાં લીધી છે. તેઓ જાણી જોઈને મતદારોના નામ કાઢી રહ્યા છે, ખાસ કરીને એવા વિસ્‍તારોમાં જ્‍યાં તેઓ કયારેય જીત્‍યા નથી.

પ્રિયંકા ગાંધીએ PM મોદીના ડ્રામા નહીં, ડિલિવરીના નિવેદન પર વળતો પ્રહાર કર્યો. પ્રિયંકાએ કહ્યું, કેટલાક મહત્‍વપૂર્ણ મુદ્દાઓ છે. ચૂંટણીની પરિસ્‍થિતિ, SIR અને પ્રદૂષણ ખૂબ મોટા મુદ્દાઓ છે. સંસદ શેના માટે છે? આ નાટક નથી. મુદ્દાઓ પર બોલવું, મુદ્દાઓ ઉઠાવવા એ નાટક નથી. નાટકનો અર્થ ચર્ચા ન થવા દેવી. નાટકનો અર્થ જનતા માટે મહત્‍વપૂર્ણ મુદ્દાઓ પર લોકશાહી ચર્ચા ન કરવી.

ફૈઝાબાદથી સમાજવાદી પાર્ટીના સાંસદ અવધેશ પ્રસાદે કહ્યું કે સંસદમાં મુખ્‍ય જાહેર મુદ્દાઓ પર ચર્ચા થવી જોઈએ. લ્‍ત્‍ય્‍, જ્‍યાં મતદારોના નામ કાઢી નાખવામાં આવી રહ્યા છે, તે ભારતના બંધારણ પર હુમલો છે.

રાજ્‍યસભામાં, પીએમ મોદીએ કહ્યું, તમારું સ્‍વાગત કરવું એ ગર્વની ક્ષણ છે. ગળહ વતી, હું તમને હૃદયપૂર્વક અભિનંદન આપું છું અને તમને શુભકામનાઓ પાઠવું છું. હું તમને ખાતરી આપું છું કે આ ગળહમાં બેઠેલા બધા સભ્‍યો, ઉપલા ગળહની ગરિમા જાળવી રાખીને, હંમેશા તમારા ગરિમાનું પણ સન્‍માન કરશે.

સરકાર આ સત્રમાં કુલ ૧૩ બિલ અને એક નાણાકીય બિલ રજૂ કરવાની તૈયારી કરી રહી છે, જેમાંથી ઘણા દેશની નીતિઓ માટે મહત્‍વપૂર્ણ છે. આ બિલમાં નેશનલ સિકયુરિટી સેસ ઓન હેલ્‍થકેર બિલ, ૨૦૨૫, નાદારી અને નાદારી સંહિતા (સુધારો) બિલ, ૨૦૨૫, સિકયોરિટીઝ માર્કેટ્‍સ કોડ બિલ, ૨૦૨૫, અને ભારતીય ઉચ્‍ચ શિક્ષણ આયોગ બિલ, ૨૦૨૫ નો સમાવેશ થાય છે. ગઈકાલે યોજાયેલી સર્વપક્ષીય બેઠકમાં સંસદીય બાબતોના મંત્રી કિરેન રિજિજુએ ગળહની કાર્યવાહી સુચારુ રીતે ચલાવવા માટે વિપક્ષને સહયોગ આપવા વિનંતી કરી હતી. તેમણે ભારપૂર્વક જણાવ્‍યું હતું કે સંસદ દરેકનું છે, દેશનું છે અને નિયમ મુજબ દરેક મુદ્દા પર ચર્ચા કરવા તૈયાર છે.