નવી દિલ્હી,તા.૦૫: રિઝર્વ બેંક ઓફ ઈન્ડિયા (RBI) એ શુક્રવાર, ૫ ડિસેમ્બરના રોજ તેની નાણાકીય નીતિ બેઠક (MPC) માં રેપો રેટમાં ૨૫ બેસિસ પોઈન્ટ (bps)નો ઘટાડો કર્યો છે. આ ઘટાડા સાથે, કેન્દ્રીય બેંકે આ વર્ષે અત્યાર સુધીમાં રેપો રેટમાં કુલ ૧૨૫ બેસિસ પોઈન્ટનો ઘટાડો કર્યો છે. અગાઉ ફેબ્રુઆરી અને એપ્રિલ ૨૦૨૫ માં દરેકમાં ૨૫ બેસિસ પોઈન્ટ અને જૂનમાં ૫૦ બેસિસ પોઈન્ટનો ઘટાડો કરવામાં આવ્યો હતો. જોકે, RBI એ ઓકટોબરમાં પાછલી MPC બેઠકમાં રેપો રેટને યથાવત રાખ્યો હતો. આજના ઘટાડા પછી, રેપો રેટ હવે ૫.૨૫% પર છે.

શુક્રવારના રેપો રેટમાં ઘટાડાથી ફલોટિગ-રેટ હોમ લોન પર સીધી અસર પડશે, ખાસ કરીને એકસટર્નલ બેન્ચમાર્ક લેન્ડિંગ રેટ (EBLR) સાથે જોડાયેલી લોન પર. આ લોન પરના વ્યાજ દરમાં પણ ઘટાડો થશે. જોકે, હોમ લોનના વ્યાજ દરમાં ઘટાડાની અસર બેંકો ગ્રાહકોને કેટલી ઝડપથી લાભ આપે છે તેના પર નિર્ભર રહેશે.

કેટલી લોન પર કેટલી

બચત થશે?

૧. ૧૫ વર્ષ માટે રૂ.૨૫ લાખની લોન, ૮.૫%ના વ્યાજ દરે, વર્તમાન EMI:રૂ.૨૪,૬૧૮, ૮.૨૫%ના દરે કપાત પછીઃ રૂ.૨૪,૨૫૪, હાલમાં કુલ વ્યાજઃ રૂ.૧૯,૩૧,૩૨૮, ૮.૨૫%ના દરે કપાત પછી, કુલ વ્યાજઃ રૂ.૧૮,૬૫,૬૩૨,

તમારી બચતઃ રૂ.૬૫,૬૯૬, ૨. ૮.૫%ના વ્યાજ દરે ૨૦ વર્ષ માટે રૂ.૫૦ લાખની લોનવર્તમાન EMI: રૂ.૪૩,૩૯૧, ૮.૨૫%ના દરે કપાત પછી, કુલ વ્યાજઃ રૂ.૪૨,૬૦૩, હાલમાં કુલ વ્યાજઃ રૂ.૫૪, ૧૩,૮૭૯, ૮.૨૫%ના દરે કપાત પછી, કુલ વ્યાજઃ રૂ.૫૨,૨૪,૭૮૮

તમારી બચતઃ રૂ.૧,૮૯,૦૯૧, ૩. રૂ.૭૫ લાખની લોન, ૨૫ વર્ષ માટે ૮.૫%ના વ્યાજ દરે વર્ષ, વર્તમાન EMI: રૂ.૬૦,૩૯૨, ઘટાડા પછી, EMI ૮.૨૫% પરઃ રૂ.૫૯,૧૩૪

વર્તમાન વ્યાજઃ રૂ.૧,૦૬,૧૭, ૬૦૯, ઘટાડા પછી, કુલ વ્યાજ ૮.૨૫% પરઃ રૂ.૧,૦૨,૪૦,૧૨૮, તમારી બચતઃ રૂ.૩,૭૭,૪૮૧

કોને સૌથી વધુ ફાયદો થશે?

રેપો રેટમાં ઘટાડો ફલોટિગ-રેટ હોમ લોન ધરાવતા લોકો માટે સૌથી વધુ ફાયદાકારક છે. આ તે લોકો છે જેમણે ૧ ઓકટોબર, ૨૦૧૯ પછી EBLR (એકસટર્નલ બેન્ચમાર્ક લેન્ડિંગ રેટ) હેઠળ બેંકો પાસેથી લોન લીધી હતી. આજકાલ, મોટાભાગની હોમ લોન ફલોટિગ-રેટ હોય છે, જે સીધી રીતે રેપો રેટ સાથે જોડાયેલી હોય છે. જ્યારે રિઝર્વ બેંક રેપો રેટ ઘટાડે છે, ત્યારે બેંકો તેનું પાલન કરે છે અને હોમ લોનના વ્યાજ દર ઘટાડે છે. હોમ લોનના વ્યાજ દરમાં ઘટાડો લોન લેનારાઓને સીધો ફાયદો કરાવે છે કારણ કે તેમનો માસિક EMI ઘટે છે.