છેલ્લા 8 દિવસમાં સૌથી લોકપ્રિય હેં...વારાણસીમાં ભાજપનો પરાજય 9:51 AM
યુએસમાં રેન્ટલ પ્રોપર્ટીની ડિમાન્ડ ઘટતાં મકાનોના ભાડામાં પણ ગાબડું
જોબ માર્કેટ ટાઈટ હોવાના લીધે અલગ ઘરમાં રહેવા જતાં યંગસ્ટર્સની સંખ્યામાં મસમોટો ઘટાડો થતાં રેન્ટલ હોમ્સની ડિમાન્ડ પણ ઘટી
લાસ વેગસ તા.૬: યુએસમાં હાલ પ્રોપર્ટી માર્કેટમાં ડાઉન ટ્રેન્ડ જોવા મળી રહ્યો છે ત્યારે મકાનોના ભાવ ઘટવાની સાથે-સાથે ભાડાં પણ ઘટી રહ્યા છે અને ખાલી પડેલા મકાનોની સંખ્યા વધી રહી છે. જોકે, આ સ્થિતિમાં પણ નવી અપાર્ટમેન્ટ બિલ્ડિંગ્સ ઉભી થઈ રહી હોવાના કારણે રેન્ટલ માર્કેટમાં નવો સપ્લાય વધી રહ્યો છે જ્યારે મકાન ભાડે લેનારા અને ખાસ તો યંગ વર્કર્સની સંખ્યા ઘટી રહી છે. સપ્લાય સામે ડિમાન્ડ ઓછી હોવાથી લેન્ડલોર્ડ્સને ભાડાં ઘટાડવાની ફરજ પડી રહી છે.
ઓક્ટોબરની સરખામણીએ નવેમ્બરમાં અપાર્ટમેન્ટના ભાડામાં એક ટકા જેટલો ઘટાડો નોંધાયો હતો, અપાર્ટમેન્ટ લિસ્ટના એક રિપોર્ટ અનુસાર હાલ મિડલ પ્રાઈસના અપાર્ટમેન્ટનું મિડલ રેન્ટ ઘટીને ઼૧,૩૬૭ થઈ ગયું છે, ગત વર્ષની સરખામણીએ તેમાં ૧.૧ ટકાનો ઘટાડો થયો છે જ્યારે ૨૦૨૨ની પીક કરતાં મકાનનાં ભાડાં ૫.૨ ટકા જેટલા ઘટ્યા છે. મહત્વની વાત એ છે કે છેલ્લા સતત ચાર મહિનાથી અપાર્ટમેન્ટના ભાડાં ઘટી રહ્યા છે.
રેન્ટલ ડિમાન્ડ ઘટી રહી હોવાના કારણે છેલ્લા કેટલા વર્ષોથી ધમધમી રહેલું મલ્ટિફેમિલી કન્સ્ટ્રક્શન પણ હવે ધીમું પડી ગયું છે પરંતુ જે પ્રોજેક્ટ પૂરા થઈ ગયા છે તેમનો સપ્લાય હજુય માર્કેટમાં ચાલુ છે. મલ્ટિફેમિલી રેન્ટલ હોમ્સની ડિમાન્ડમાં સૌથી વધુ ઘટાડો થયો છે, જોકે ચાલુ વર્ષમાં મિડલ રેન્ટ પ્રાઈસમાં પણ ઘટાડો જોવા મળી રહ્યો છે જેનું મુખ્ય કારણ યંગસ્ટર્સની ડિમાન્ડમાં થયેલો ઘટાડો છે. યુએસમાં યંગસ્ટર્સને જોબ શોધવામાં સૌથી વધારે સંઘર્ષ કરવો પડી રહ્યો છે અને ઘણાને પોતાની એજ્યુકેશન લોનના હપ્તા ભરવામાં પણ ફાંફા છે ત્યારે તેઓ અલગ ઘર રાખીને રહી શકે તેમ નથી.
એક્સપર્ટ્સનું માનીએ તો ફેમિલી સાથે જ રહેતા હોય તેવા ૧૮થી ૩૪ વર્ષની એજ ગ્રુપમાં આવતા અમેરિકન્સની સંખ્યા વધી રહી છે અને હાલ આવા ૩૨.૫ યંગસ્ટર્સ અલગ ઘરમાં રહેવું પોસાતું ના હોવાથી પેરેન્ટ્સ સાથે રહે છે. તેના માટે જોબ માર્કેટમાં જોવા મળી રહેલી કઠણાઈની સાથે છેલ્લા કેટલાક વર્ષોથી મકાનોના ભાવમાં સતત થયેલો વધારો પણ જવાબદાર મનાય છે.
કોસ્ટાર નામની એક ઈન્સ્ટિટ્યૂટનું માનવું છે કે ભાડે ઘર લેનારા લોકોમાં સૌથી વધુ સંખ્યા યંગસ્ટર્સની હોય છે પરંતુ હવે મોટાભાગના લોકો પાસે તેના માટે પૈસા નથી. ખાસ તો કોલેજ પૂરી કરીને જોબ માર્કેટમાં નવા-નવા આવ્યા હોય તેવા લોકોને જલ્દી નોકરીઓ નથી મળી રહી જેની અસર રેન્ટલ હોમ માર્કેટ પર પણ દેખાઈ રહી છે. આ જ કારણસર મોટાં પબ્લિક અપાર્ટમેન્ટ રિયાલ્ટી એસ્ટેટ ઈન્વેસ્ટમેન્ટ ટ્રસ્ટના શેર્સના ભાવ પણ ઘટી રહ્યા છે.
આ સિવાય સ્થાનિક પરિબળોને કારણે પણ કેટલાક શહેરોમાં મકાનોના ભાડામાં થઈ રહેલો વધારો મિડલ પ્રાઈસ કરતા પણ વધારે છે. જેમકે, લાસ વેગસ જેવા ટુરિસ્ટ ડેસ્ટિનેશનને હાલ મંદીનો સામનો કરવો પડી રહ્યો છે જેને લીધે ઘણા લોકોની જોબ્સ ગઈ હોવાથી મકાનનાં ભાડાં ઓછા થઈ રહ્યા છે. તેવી જ રીતે બોસ્ટનને મળતા બાયોટેક માટેના ફેડરલ ફંડમાં ઘટાડો થયો છે અને સાથે જ ઈન્ટરનેશનલ સ્ટૂડન્ટ્સની સંખ્યા ઘટતા રેન્ટલ સેક્ટર પણ પ્રભાવિત થયું છે. ટેક્સસમાં તો હાલ પણ મલ્ટિફેમિલી યુનિટ્સ બની રહ્યા હોવાથી ત્યાં હોમ રેન્ટલમાં સૌથી મોટો ઘટાડો જોવા મળ્યો છે.
રેન્ટલ અપાર્ટમેન્ટના નવા સપ્લાયમાં ૨૦૨૭થી ઘટાડો થાય તેવી શક્યતા છે, પરંતુ મોટી સંખ્યામાં અનેક પ્રોજેક્ટ્સ હાલ અંડર કન્સ્ટ્રક્શન હોવાથી ૨૦૨૬માં પણ માર્કેટમાં નવો સપ્લાય ચાલુ રહેશે જેથી ભાડામાં વધારો થવાની શક્યતા ઘણી ઓછી દેખાઈ રહી છે, પરંતુ નવું કન્સ્ટ્રક્શન ખૂબ જ ઘટી રહ્યું હોવાથી ૨૦૨૭ કે ત્યાર પછી માર્કેટ સ્ટેબિલાઈઝ થઈ શકે છે તેવું એક્સપર્ટ્સનું માનવું છે. જોકે, હજુય એકાદ વર્ષ સુધી નવો સપ્લાય ચાલુ રહેશે પણ તેની સામે જોબ માર્કેટમાં જોવા મળી રહેલી નબળાઈ યથાવત રહેવાની શક્યતા વચ્ચે ખાલી પડેલા અપાર્ટમેન્ટ્સની સંખ્યામાં વધારો થઈ શકે છે.(૩૮.૫)
(9:44 AM IST)
