વોશિંગ્ટન: હવાઈ મુસાફરીના ક્ષેત્રમાં દુનિયાભરમાં રેસ ચાલી રહી છે ત્યારે કયા દેશ પાસે સૌથી વધુ એરપોર્ટ્સ છે તેના આંકડા જાહેર થયા છે. આ યાદીમાં અમેરિકાએ પોતાનું એકચક્રી શાસન જાળવી રાખ્યું છે, જ્યારે ભારતે ઉડ્ડયન ક્ષેત્રે જબરદસ્ત પ્રગતિ કરી છે. ભારતીય ઉડ્ડયન મંત્રાલયની 'ઉડાન' યોજનાને કારણે ભારતના ક્રમમાં નોંધપાત્ર સુધારો જોવા મળ્યો છે.

ગ્લોબલ ડેટા અનુસાર, દુનિયામાં સૌથી વધુ એરપોર્ટ ધરાવતા દેશોમાં અમેરિકા પ્રથમ ક્રમે છે, જ્યાં ૧૩,૫૦૦ થી વધુ એરપોર્ટ્સ (ખાનગી અને જાહેર) આવેલા છે. 

બીજા ક્રમે બ્રાઝિલ આવે છે, જ્યાં ૪,૦૦૦ થી વધુ એરપોર્ટ્સ છે. 

આ યાદીમાં મેક્સિકો, કેનેડા, રશિયા અને આર્જેન્ટિના જેવા દેશો પણ ટોપ-૧૦માં સામેલ છે. 

ભારતની વાત કરીએ તો, ભારત ઝડપથી વિકસતું ઉડ્ડયન માર્કેટ છે. ભારતમાં હાલમાં કાર્યરત એરપોર્ટ્સની સંખ્યા ૧૫૦ ને પાર કરી ગઈ છે અને ભારત એશિયામાં ચીન અને જાપાન સાથે સ્પર્ધા કરી રહ્યું છે. 

જોકે, કુલ એરપોર્ટ્સની સંખ્યામાં (જેમાં નાની હવાઈ પટ્ટીઓ પણ સામેલ છે) ભારત ટોપ ૧૦માં સ્થાન મેળવવા તરફ અગ્રેસર છે. નિષ્ણાતો માને છે કે આગામી ૫ વર્ષમાં ભારત દુનિયાના ટોચના ૩ ઉડ્ડયન બજારોમાં સ્થાન પામશે.