મુંબઈ: છેલ્લા ત્રણ મહિનાથી ચાલી રહેલા રિયાલિટી શો બિગ બોસ ૧૯ના ગ્રાન્ડ ફિનાલેમાં ટીવીના લોકપ્રિય અભિનેતા ગૌરવ ખન્નાએ બાજી મારી લીધી છે. ગૌરવ ખન્નાએ ફાઈનલમાં કાશ્મીરી અભિનેત્રી ફરહાના ભટ્ટને હરાવીને ટ્રોફી અને ૫૦ લાખ રૂપિયાનું ઈનામ પોતાના નામે કર્યું છે. શાંત સ્વભાવ અને મજબૂત વ્યક્તિત્વના કારણે ગૌરવ ખન્ના દર્શકોના દિલ જીતવામાં સફળ રહ્યા હતા.

 

ગૌરવ ખન્ના: શાંત સ્વભાવ અને મજબૂત રમતથી મેળવી જીત

ટીવી સીરિયલ ‘અનુપમા’માં અનુજ કાપડિયાના પાત્રથી ઘર-ઘરમાં જાણીતા બનેલા ગૌરવ ખન્નાએ બિગ બોસના ઘરમાં પણ પોતાની અલગ ઓળખ ઊભી કરી હતી. શોના હોસ્ટ સલમાન ખાને પણ તેમને ‘ટીવીના સુપરસ્ટાર’ અને ‘અલ્ટીમેટ ગ્રીન ફ્લેગ’ તરીકે બિરદાવ્યા હતા.

 

શા માટે ગૌરવ ખન્ના બન્યા વિજેતા? * શાંત અને સંયમિત સ્વભાવ: સમગ્ર સીઝન દરમિયાન ગૌરવ ખન્નાએ બિનજરૂરી ઝઘડાઓથી દૂર રહીને ગરિમાપૂર્ણ રીતે રમત રમી હતી. તેમની આ શાંતિ અને ધીરજ દર્શકોને ખૂબ પસંદ પડી હતી.

 

 * ઈમોશનલ કનેક્ટ: શો દરમિયાન જ્યારે તેમની પત્ની આકાંક્ષા ચમોલા સાથેના પળો બતાવવામાં આવ્યા ત્યારે તેમનું ભાવુક થવું અને પરિવાર પ્રત્યેનું સમર્પણ દર્શકોના દિલને સ્પર્શી ગયું હતું.

 

 * ટિકિટ ટુ ફિનાલે: ફિનાલે વીકમાં પહોંચવા માટેના ટાસ્કમાં શારીરિક અને માનસિક દબાણ વચ્ચે પણ તેમણે ધીરજ જાળવી રાખી હતી અને આ મહત્વપૂર્ણ ટાસ્ક જીત્યો હતો.

 

ગૌરવ ખન્નાની કારકિર્દી અને પરિવાર

 * શરૂઆતી જીવન: ઉત્તર પ્રદેશના કાનપુરમાં ૧૧ ડિસેમ્બર ૧૯૮૧ના રોજ જન્મેલા ગૌરવે એમબીએ (માર્કેટિંગ)નો અભ્યાસ કર્યો છે. અભિનય ક્ષેત્રે આવતા પહેલા તેમણે એક આઈટી કંપનીમાં માર્કેટિંગ મેનેજર તરીકે નોકરી કરી હતી.

 

 * કારકિર્દી: ૨૦૦૬માં ટીવી શો ‘ભાભી’થી કરિયરની શરૂઆત કરનાર ગૌરવે ‘સીઆઈડી’માં ઈન્સ્પેક્ટર કવિન અને ‘યે પ્યાર ના હોગા કમ’ જેવા શોમાં કામ કર્યું છે. જોકે, ‘અનુપમા’ સીરિયલમાં અનુજ કાપડિયાના રોલે તેમને અબૂતપૂર્વ લોકપ્રિયતા અપાવી હતી.

 

 * પરિવાર: ગૌરવ ખન્નાના પિતા વિનોદ ખન્ના અને માતા સાક્ષી ખન્ના છે. ૨૦૧૬માં તેમણે ટીવી અભિનેત્રી આકાંક્ષા ચમોલા સાથે લગ્ન કર્યા હતા.

 

 

રનર-અપ ફરહાના ભટ્ટ: લડાયક મિજાજ અને વિવાદો વચ્ચે દમદાર સફર

બિગ બોસ ૧૯માં બીજા ક્રમે આવેલી (રનર-અપ) ફરહાના ભટ્ટ જમ્મુ-કાશ્મીરની વતની છે અને તેણે પોતાની બેધડક બોલી અને લડાયક મિજાજથી ઘરમાં હેડલાઈન્સ બનાવી હતી. જોકે, તે ટ્રોફીથી થોડા ડગલાં દૂર રહી ગઈ હતી.

 

શા માટે ફરહાના ભટ્ટ ટ્રોફી ચૂકી ગયા?

 * નેગેટિવ ઈમેજ: શો દરમિયાન ફરહાનાનો સ્વભાવ ખૂબ જ આક્રમક રહ્યો હતો. વારંવારના ઝઘડા અને તીખી વાણીને કારણે સોશિયલ મીડિયા પર તેમને ‘ખલનાયિકા’નું ટેગ મળ્યું હતું, જે કદાચ વોટિંગમાં તેમને ભારે પડ્યું હોઈ શકે.

 

 * વિવાદો: વિકેન્ડ કા વાર એપિસોડમાં સલમાન ખાને પણ ઘણીવાર તેમના એટીટ્યુડ અને વર્તણૂક બદલ ક્લાસ લીધો હતો, જેના કારણે તટસ્થ દર્શકોનો ઝુકાવ ગૌરવ તરફ વધ્યો હતો.

 

ફરહાના ભટ્ટની કારકિર્દી અને પરિવાર * બેકગ્રાઉન્ડ: શ્રીનગરની વતની અને ૨૮ વર્ષીય ફરહાના ભટ્ટે જર્નાલિઝમ અને માસ કોમ્યુનિકેશનમાં ડિગ્રી મેળવી છે. તે એક પ્રશિક્ષિત માર્શલ આર્ટિસ્ટ (તાઈક્વાન્દો) પણ છે.

 

 * સંઘર્ષપૂર્ણ જીવન: ફરહાનાનો ઉછેર તેમના માતા અને નાનાએ કર્યો છે. જ્યારે તે ખૂબ નાની હતી ત્યારે તેના પિતાએ પરિવાર છોડી દીધો હતો. રૂઢિચુસ્ત સમાજનો સામનો કરીને તેણે એક્ટિંગમાં કરિયર બનાવી છે.

 

 * કારકિર્દી: તેણે ૨૦૧૮માં આવેલી ફિલ્મ ‘લૈલા મજનુ’ અને ‘નોટબુક’ જેવી ફિલ્મોમાં કામ કર્યું છે. આ ઉપરાંત ‘ધ ફ્રીલાન્સર’ વેબ સીરીઝમાં પણ તે જોવા મળી હતી. બિગ બોસમાં આવતા પહેલા જ તે કાશ્મીરી યુવાનોમાં એક જાણીતું નામ હતી.