સંસદમાં ઇન્ડિગો સંકટનો મુદ્દો ગુંજ્યો : કોંગ્રેસે સરકાર પાસેથી જવાબ માંગ્યો
સરકારે સંસદના ફલોર પરથી જણાવવું જોઈએ કે તે કટોકટીના ઉકેલ માટે શું પગલાં લઈ રહી છે? સાંસદ ગૌરવ ગોગોઈએ સરકાર પર નિશાન સાધ્યું
નવી દિલ્હી, તા.૮: આજે સંસદના શિયાળુ સત્રમાં ઇન્ડિગોના ઓપરેશનલ કટોકટીનો મુદ્દો ઉઠાવવામાં આવ્યો હતો. કોંગ્રેસના સાંસદ ગૌરવ ગોગોઈએ ઇન્ડિગોના સંચાલનમાં વિક્ષેપને કારણે મુસાફરોને થતી અસુવિધાને ટાંકીને કહ્યું કે સરકારે સંસદના ફલોર પરથી જણાવવું જોઈએ કે તે કટોકટીના ઉકેલ માટે શું પગલાં લઈ રહી છે. પ્રશ્ન કાળ પૂરો થયા પછી તરત જ ઇન્ડિગોનો મુદ્દો ઉઠાવતા, ગોગોઈએ સરકારને જણાવ્યું કે ઉડ્ડયન મંત્રાલય કટોકટીના ઉકેલ માટે શું પગલાં લઈ રહ્યું છે.
રાજ્યસભામાં ઇન્ડિગો કટોકટી પર બોલતા, નાગરિક ઉડ્ડયન મંત્રી રામ મોહન નાયડુ કિંજલુરુએ સ્પષ્ટપણે જણાવ્યું હતું કે નિયમનકાર દ્વારા લેવામાં આવેલા પગલાં મુસાફરોની સુવિધા અને સલામતીને ધ્યાનમાં રાખીને લેવામાં આવ્યા છે. તેમણે ગળહ સમક્ષ દિલગીરી વ્યક્ત કરતા કહ્યું કે, છેલ્લા સાત દિવસમાં મુસાફરોને થયેલી ભારે અસુવિધા બદલ હું વ્યક્તિગત રીતે માફી માંગુ છું. મંત્રીએ જણાવ્યું હતું કે અત્યાર સુધીમાં લગભગ ૫૦૦,૦૦૦ ભ્ફય્ રદ કરવામાં આવ્યા છે, અને સરકાર પરિસ્થિતિ પર સતત નજર રાખી રહી છે. તેમણે ખાતરી આપી હતી કે નાગરિક ઉડ્ડયન નિયમનો ટૂંક સમયમાં સુધારા કરવામાં આવશે, જે આ કટોકટીથી ઉદ્ભવતા મુદ્દાઓને સંપૂર્ણપણે સંબોધશે, જેથી ભવિષ્યમાં મુસાફરોની સલામતી અને સુવિધા સાથે કયારેય સમાધાન ન થાય.
ઇન્ડિગોની ફલાઇટમાં વિક્ષેપ છઠ્ઠા દિવસે પ્રવેશી રહ્યો છે, અને એરલાઇન ૧૦ ડિસેમ્બર સુધીમાં કામગીરી ફરી શરૂ કરવાની આશા રાખે છે. વર્તમાન કટોકટીએ નોંધપાત્ર અસુવિધા ઊભી કરી છે, ફલાઇટ રદ થવા, ફલાઇટમાં વિલંબ અને અન્ય મુખ્ય કામગીરી સમસ્યાઓને કારણે ઘણા મુસાફરો મુખ્ય શહેરોના એરપોર્ટ પર ફસાયેલા છે.
ઘણા શહેરોમાં ફલાઇટ રદ. ઇન્ડિગોએ રવિવારે ૬૫૦ ફલાઇટ્સ રદ કરી હતી અને ૭ ડિસેમ્બરે તેની ૨,૩૦૦ દૈનિક ફલાઇટ્સમાંથી ૧,૬૫૦ ચલાવવાની યોજના બનાવી રહી છે, કારણ કે વિક્ષેપો સતત છઠ્ઠા દિવસે પ્રવેશ્યા છે. દિલ્હી અને મુંબઈ એરપોર્ટ પર ૨૨૦ થી વધુ ફલાઇટ્સ રદ કરવામાં આવી હતી જ્યારે કામગીરી પુનઃસ્થાપિત કરવાના પ્રયાસો ચાલુ રહ્યા હતા. વર્તમાન કટોકટીને કારણે તાજેતરના દિવસોમાં સેંકડો ફલાઇટ્સ રદ અને વિલંબ થયો છે, જેના કારણે હજારો મુસાફરોને નોંધપાત્ર અસુવિધા થઈ છે. રવિવારે મુંબઈ એરપોર્ટ પર ઓછામાં ઓછી ૧૧૨ અને દિલ્હી એરપોર્ટ પર ૧૦૯ ફલાઇટ્સ રદ કરવામાં આવી હતી.
(3:19 PM IST)
છેલ્લા 8 દિવસમાં સૌથી લોકપ્રિય 
