અજમેર શરીફ દરગાહની આસપાસના અતિક્રમણના કથિત મુદ્દે દિલ્હી હાઈકોર્ટે કેન્દ્ર સરકારને સ્પષ્ટતા કરી છે કે કોઈપણ પ્રકારની તોડફોડની કાર્યવાહી (બુલડોઝર) કરતા પહેલા તમામ સંબંધિત પક્ષો અને હિતધારકોને સાંભળવામાં આવે.
અજમેર શરીફ દરગાહ સંકુલની આસપાસના કથિત અતિક્રમણને દૂર કરવાના કેસની સુનાવણી દરમિયાન દિલ્હી હાઈકોર્ટે કેન્દ્ર સરકારને એક મહત્વપૂર્ણ નિર્દેશ આપ્યો છે.
કોર્ટે ટિપ્પણી કરી છે કે સરકાર "બુલડોઝર લઈને જઈને બધું સાફ કરી શકે નહીં." હાઈકોર્ટે કેન્દ્રને નિર્દેશ આપ્યો છે કે તોડફોડની કોઈ પણ કાર્યવાહી શરૂ કરતા પહેલા દરગાહ સંબંધિત તમામ પક્ષો, જેમ કે ધાર્મિક અને વ્યવસ્થાપક હિતધારકો, તેમની રજૂઆતો સાંભળવાની તક આપવામાં આવે અને કાયદાનું યોગ્ય પાલન થાય.