છેલ્લા 8 દિવસમાં સૌથી લોકપ્રિય હેં...વારાણસીમાં ભાજપનો પરાજય 9:51 AM
રાહુલ ગાંધીની કોંગ્રેસ સાંસદોની બેઠકમાં થરૂર ગેરહાજર!
કોંગ્રેસમાં ફરી હલચલઃ મહત્વપૂર્ણ રણનીતિ સમીક્ષા બેઠકમાં સરકારને ઘેરવા અંગેની ચર્ચા વધુ એક સાંસદ મનીષ તિવારી પણ સામેલ થયા નહી
નવી દિલ્હી, તા.૧૨: સંસદના શિયાળુ સત્ર દરમિયાન, જ્યાં સરકાર અને વિપક્ષ વચ્ચે ઉગ્ર રાજકીય યુદ્ધ ચાલી રહ્યું છે, ત્યાં આજે વિપક્ષના નેતા રાહુલ ગાંધીએ કોંગ્રેસના લોકસભા સાંસદોની એક મહત્વપૂર્ણ રણનીતિ સમીક્ષા બેઠક યોજી હતી. આ બેઠકનો મુખ્ય હેતુ ગળહમાં વિવિધ મુદ્દાઓ પર કોંગ્રેસના વલણને મજબૂત બનાવવાનો અને સરકારને ઘેરવાના નવા મુદ્દાઓ પર ચર્ચા કરવાનો હતો. બેઠક દરમિયાન, રાહુલ ગાંધીએ ફરી એકવાર ‘SIR' (મત ચોરી) ના મુદ્દાને ઉઠાવ્યો હતો અને દાવો કર્યો હતો કે કોંગ્રેસના સતત વિરોધની શાસક પક્ષ પર સ્પષ્ટ અસર જોવા મળી રહી છે, જેના કારણે ગળહમંત્રી અમિત શાહ પણ ગભરાયેલા દેખાય છે.
જોકે, આ બેઠકમાં સૌથી વધુ ચર્ચાનો વિષય વરિષ્ઠ કોંગ્રેસી સાંસદ શશિ થરૂરની ગેરહાજરી રહી હતી. થરૂર રાહુલ ગાંધી દ્વારા બોલાવવામાં આવેલી આ સમીક્ષા બેઠકમાં હાજર રહ્યા ન હતા, જેણે પાર્ટીની આંતરિક ખેંચતાણ અંગેના પ્રશ્નો ફરી ઉભા કર્યા છે. થરૂરે જણાવ્યું હતું કે તેમણે પાર્ટીને તેમની ગેરહાજરી વિશે અગાઉથી જાણ કરી દીધી હતી, પરંતુ કોંગ્રેસના મુખ્ય દંડક કે. સુરેશે આ વાતથી અજાણ હોવાનો દાવો કર્યો હતો અને કહ્યું હતું કે, મને કેવી રીતે ખબર પડશે કે શશી થરૂર કેમ ન આવ્યા? થરૂરની ગેરહાજરી એવા સમયે આવી છે જ્યારે તેઓ અગાઉ પણ શિયાળુ સત્રની રણનીતિ નક્કી કરવા માટે યોજાયેલી બે મહત્વપૂર્ણ બેઠકોમાંથી ગેરહાજર રહ્યા હતા, જેના કારણે તેમના અને પાર્ટી હાઈકમાન્ડ વચ્ચેના સંબંધો અંગેની ચર્ચાઓ વધુ ઘેરી બની છે.
બેઠકમાં, રાહુલ ગાંધીએ સાંસદોને ઉદ્દેશીને કહ્યું કે, છેલ્લા કેટલાક મહિનાઓથી કોંગ્રેસે જે રીતે મત ચોરી અને SIR સામે વિરોધ પ્રદર્શન કર્યું છે, તેની અસર શાસક પક્ષ પર પડી છે. તેમણે કહ્યું કે વડાપ્રધાનને જોતા પણ એવું લાગે છે કે કોંગ્રેસનો હેતુ સફળ થયો છે. સાંસદ જય પ્રકાશે પણ આ વાતનું સમર્થન કરતા કહ્યું કે રાહુલ ગાંધી દ્વારા ઉઠાવવામાં આવેલા ચૂંટણી સુધારાના મુદ્દાથી ગળહમંત્રી ગભરાયેલા દેખાતા હતા અને તેમની પાસે કોઈ પણ પ્રશ્નનો સીધો જવાબ નહોતો. બેઠકમાં સાંસદોને આ મુદ્દાઓને મજબૂત રીતે ગળહમાં ઉઠાવવા માટેની રણનીતિ તૈયાર કરવા માટે માર્ગદર્શન આપવામાં આવ્યું હતું.
થરૂરની ગેરહાજરી પર પક્ષનો અસંગત જવાબ એક સંકેત આપે છે કે દક્ષિણના આ દિગ્ગજ નેતા અને કોંગ્રેસની કેન્દ્રીય નેતાગીરી વચ્ચે સંચારમાં ખામી અથવા મતભેદો હજી પણ પ્રવર્તે છે. એક તરફ, રાહુલ ગાંધી સમગ્ર પક્ષને એકજૂટ કરીને સરકાર સામે લડત આપવાનો પ્રયાસ કરી રહ્યા છે, ત્યારે બીજી તરફ, થરૂર જેવા વરિષ્ઠ નેતાની મહત્વની બેઠકોમાં વારંવાર ગેરહાજરી પાર્ટીની એકતા પર સવાલ ઉઠાવી રહી છે. આ ઘટનાક્રમ દર્શાવે છે કે, કોંગ્રેસને સંસદમાં સરકાર સામેની રણનીતિની સાથે સાથે, તેના આંતરિક સંગઠન અને નેતાઓ વચ્ચેના સંકલન પર પણ ધ્યાન કેન્દ્રિત કરવું પડશે.
(3:52 PM IST)
