હુમાયુ કબીરને બાબરી મસ્જિદ નિર્માણ માટે ૫ કરોડનું દાન મળ્યું
મુર્શિદાબાદ જિલ્લામાં બાબરી મસ્જિદ બનાવવાના તેમના સ્વપ્નને સાકાર કરવા માટે દેશ અને વિદેશમાંથી મોટા પ્રમાણમાં દાન મળી રહ્યું
કોલકાતા તા.૧૩: પશ્ચિમ બંગાળના મુખ્યમંત્રી મમતા બેનર્જીની પાર્ટીના તૃણમૂલ કોંગ્રેસના (TMC) ધારાસભ્ય હુમાયુ કબીરને મુર્શિદાબાદ જિલ્લામાં બાબરી મસ્જિદૅ બનાવવાના તેમના સ્વપ્નને સાકાર કરવા માટે દેશ અને વિદેશમાંથી મોટા પ્રમાણમાં દાન મળી રહ્યું છે. બાબરી મસ્જિદ ધ્વંસની ૩૩મી વર્ષગાંઠ, ૬ ડિસેમ્બરે શિલાન્યાસ થયો ત્યારથી, અત્યાર સુધીમાં આશરે ૫ કરોડ રૂપિયા એકત્ર કરવામાં આવ્યા છે.
એક અહેવાલ મુજબ, હુમાયુ કબીરે જણાવ્યું હતું કે તેમને એક જ વ્યક્તિ તરફથી ૧ કરોડ રૂપિયાનું દાન આપવાનું વચન આપવામાં આવ્યું હતું, પરંતુ તેમને હજુ સુધી તે મળ્યું નથી. પﾍમિ બંગાળ ઇસ્લામિક ફાઉન્ડેશન ઓફ ઇન્ડિયા (WBIFI) દ્વારા વિદેશી ભંડોળ મેળવવા માટે બેંકિગ જોગવાઈઓ સ્થાપિત કર્યા પછી તેમને વિદેશમાંથી વધુ ભંડોળ મળવાની આશા છે.
અમને કતાર, સાઉદી અરેબિયા, બાંગ્લાદેશ અને ઇંગ્લેન્ડ સહિત વિદેશોમાંથી દાન માટે કોલ આવી રહ્યા છે, તેમણે આત્મવિશ્વાસથી કહ્યું. શિલાન્યાસ સમારોહમાં મળેલા જબરદસ્ત સમર્થન પછી, ભૂતપૂર્વ TMC ધારાસભ્ય ફક્ત બાબરી મસ્જિદના તેમના સ્વપ્નમાં જ નહીં, પરંતુ તેમની નવી રાજકીય ઇનિગ્સમાં પણ વિશ્વાસ ધરાવે છે.
દાન પેટીઓમાંથી એકત્રિત કરાયેલા પૈસાના થડ WBIFI સમિતિના સભ્યો દ્વારા દરરોજ સાંજે ગણવામાં આવે છે, જે ૨૩ વીઘા જમીન પર બાબરી મસ્જિદ બનાવવાનો હવાલો સંભાળે છે. ગુરુવારે જ, સોનાની વીંટી, સોનાની નાકની વીંટી અને સોનાની બુટ્ટીઓ કુલ રૂા.૨૩,૦૧,૪૯૫ એકત્રિત કરવામાં આવી હતી.
પક્ષ દ્વારા સસ્પેન્ડ કરવામાં આવ્યા હોવા છતાં, હુમાયુ કબીરનો રાજકારણ છોડવાનો કોઈ ઇરાદો નથી. હકીકતમાં, તેમને બંગાળના રાજકારણમાં મુખ્ય ભૂમિકા ભજવવાનો વિશ્વાસ છે. તેમણે દાવો કર્યો, ચૂંટણી પછી, હું કિગમેકર બનીશ. મારા વિના કોઈ સરકાર બનાવી શકશે નહીં. ભરતપુરના ધારાસભ્ય કબીર ૧૭ ડિસેમ્બરે પﾍમિ બંગાળ વિધાનસભામાં હાજર રહેશે, પરંતુ તેમનો રાજીનામું આપવાનો કોઈ ઈરાદો નથી. તેમણે સ્પષ્ટતા કરી, મને આ મહિને કામ પૂરું કરવા દો; હું જાન્યુઆરીમાં રાજીનામું આપવા વિશે વિચારીશ.
તેઓ ૨૨ ડિસેમ્બરે પોતાનો નવો પક્ષ શરૂ કરવાના છે, જોકે તેમણે હજુ સુધી તેનું નામ જાહેર કર્યું નથી. કબીર અસદુદ્દીન ઓવૈસીની પાર્ટી, ખ્ત્પ્ત્પ્ સાથે જોડાણની આશા રાખતા હતા, જે સાકાર થઈ શક્યું નહીં. તેઓ મુર્શિદાબાદ જિલ્લામાં કોંગ્રેસ અને ડાબેરી મોરચા સાથે બેઠક વહેંચણી ફોર્મ્યુલા પર કામ કરવા માંગે છે, જેની જાહેરાત તેઓ તેમના પક્ષની રચના પછી કરશે.
દરમિયાન, ટીએમસીએ કબીરના બાબરી મસ્જિદ એજન્ડાથી પોતાને દૂર કરી દીધા છે. ટીએમસી કહે છે કે તે પાર્ટીની સમાવેશી રાજકારણની વિચારધારા સાથે અસંગત છે. પﾍમિ બંગાળમાં મુસ્લિમ સમુદાય લગભગ ૩૦ ટકા મતદારો ધરાવે છે, જ્યારે હિન્દુ લઘુમતી, મતુઆઓ ૧૭ ટકા મતદારો ધરાવે છે. તેમના મત ભાજપ અને ટીએમસી વચ્ચે વહેંચાયેલા છે.
મુર્શિદાબાદમાં બાબરી મસ્જિદનો શિલાન્યાસ થયો તે દિવસે, ટીએમસીએ એકતા દિવસનું આયોજન કર્યું. આ દ્વારા, પાર્ટીએ સાંપ્રદાયિક સૌહાર્દ માટે ઉભા રહેવાનો સ્પષ્ટ સંદેશ આપ્યો.
મુર્શિદાબાદમાં શિલાન્યાસ સમારોહના થોડા દિવસો પહેલા ટીએમસીએ કબીરને બીજી વખત પાર્ટીમાંથી હાંકી કાઢ્યા. કોંગ્રેસમાંથી ટીએમસીમાં જોડાયેલા કબીરે શાસક સરકારના પ્રથમ કાર્યકાળમાં જુનિયર કેબિનેટ મંત્રી તરીકે સેવા આપી હતી, પરંતુ ૨૦૧૫ માં પક્ષ વિરોધી પ્રવૃત્તિઓ માટે છ વર્ષ માટે હાંકી કાઢવામાં આવ્યા હતા. ત્યારબાદ તેઓ ૨૦૧૮ માં ભાજપમાં જોડાયા, પરંતુ ૨૦૧૯ ની લોકસભા ચૂંટણીમાં ટીએમસી સામે હારી ગયા. છ વર્ષની હકાલપટ્ટી પૂર્ણ કર્યા પછી, કબીર ફરીથી ટીએમસીમાં જોડાયા.
(9:59 AM IST)
છેલ્લા 8 દિવસમાં સૌથી લોકપ્રિય 
