સંરક્ષણ ક્ષેત્રે આત્મનિર્ભરતા તરફ મોટું પગલું ભરતા ભારતીય સેનાએ ૫૦૦૦ કરોડ રૂપિયાથી વધુના ડ્રોન ખરીદવાનો નિર્ણય લીધો છે. આ સ્વદેશી ડ્રોન દુશ્મનોના જામિંગ અને સ્પૂફિંગ જેવા સાયબર હુમલાઓ સામે લડવા સક્ષમ હશે.

ભારતીય સેના પોતાની તાકાતમાં અનેકગણો વધારો કરવા જઈ રહી છે. પ્રાપ્ત વિગતો અનુસાર, સેનાએ સ્વદેશી બનાવટના અત્યાધુનિક ડ્રોન ખરીદવાની પ્રક્રિયા હાથ ધરી છે, જેનો કુલ ઓર્ડર ૫૦૦૦ કરોડ રૂપિયાથી પણ વધુનો છે. આ ડ્રોનની ખાસિયત એ છે કે તે દુશ્મન દેશો દ્વારા કરવામાં આવતા સ્પૂફિંગ અને જામિંગ જેવા ટેકનિકલ અવરોધોને તોડીને કાર્યરત રહી શકે છે. આ ડ્રોન સેનામાં સામેલ થવાથી સરહદ પરની સુરક્ષા વ્યવસ્થા વધુ મજબૂત બનશે અને સર્વેલન્સ ક્ષમતામાં મોટો વધારો થશે. મેક ઈન ઈન્ડિયા હેઠળ આ એક મોટો સંરક્ષણ સોદો માનવામાં આવે છે.