છેલ્લા 8 દિવસમાં સૌથી લોકપ્રિય હેં...વારાણસીમાં ભાજપનો પરાજય 9:51 AM
લાંબી રાહ જોવડાવ્યા પછી હવે જમ્મુ-કાશ્મીરમાં બરફવર્ષાની આગાહી
બે વેસ્ટર્ન ડિસ્ટર્બન્સને કારણે વાતાવરણમાં પલટો આવશે : શનિવાર રાતથી વાતાવરણમાં મોટો ફેરફાર જોવા મળશેઃ જેનાથી પ્રવાસન સ્થળો પર બરફની ચાદર પથરાઈ શકે છે : સોનમર્ગ, દ્રાસ, કુપવાડા અને બાંદીપોરામાં હળવાથી ભારે હિમવર્ષાની આગાહીઃ ગુલમર્ગ અને સોનમર્ગ જેવા પ્રવાસી સ્થળો પર હળવોથી મધ્યમ બરફ જમા થવાની સંભાવના
જમ્મુઃ બે દિવસ પછી આગામી ૨૦ થી ૨૩ ડિસેમ્બર દરમિયાન જમ્મુ-કાશ્મીરમાં બે શક્તિશાળી વેસ્ટર્ન ડિસ્ટર્બન્સ સક્રિય થવાથી પહાડી વિસ્તારોમાં ભારે હિમવર્ષા અને મેદાની વિસ્તારોમાં વરસાદની શક્યતા વ્યક્ત કરવામાં આવી છે. હવામાન વિભાગના જણાવ્યા અનુસાર શનિવાર રાતથી વાતાવરણમાં મોટો ફેરફાર જોવા મળશે, જેનાથી પ્રવાસન સ્થળો પર બરફની ચાદર પથરાઈ શકે છે.
હવામાન વિભાગની આગાહી મુજબ, ૧૮ અને ૧૯ ડિસેમ્બરે સમગ્ર જમ્મુ-કાશ્મીરમાં હવામાન સૂકું અને વાદળછાયું રહેશે. ૨૦ ડિસેમ્બરથી પ્રથમ વેસ્ટર્ન ડિસ્ટર્બન્સની અસર શરૂ થશે, જ્યારે બીજી સિસ્ટમ્સ ૨૨ ડિસેમ્બરે તેની સાથે ભળી જશે. આ સિસ્ટમ્સ ૨૩ ડિસેમ્બરની બપોર સુધી સક્રિય રહેશે.
ખાસ કરીને ઉત્તર કાશ્મીરના ઊંચાઈવાળા વિસ્તારો જેવા કે સોનમર્ગ, દ્રાસ, કુપવાડા અને બાંદીપોરામાં હળવાથી ભારે હિમવર્ષા થઈ શકે છે. ગુલમર્ગ અને સોનમર્ગ જેવા પ્રવાસી સ્થળો પર હળવોથી મધ્યમ બરફ જમા થવા માટે સ્થિતિ અનુકૂળ છે.
જમ્મુ ક્ષેત્રના મેદાની વિસ્તારોમાં વાદળછાયું વાતાવરણ રહેશે અને હળવો વરસાદ થવાની સંભાવના છે. ઊંચા પહાડી વિસ્તારોમાં હિમવર્ષાને કારણે તાપમાનમાં ઘટાડો થશે, જોકે મેદાની વિસ્તારોમાં તાપમાન પ્રમાણમાં ઊંચું હોવાને કારણે ત્યાં બરફવર્ષા થવાની શક્યતા ઓછી છે.
આ હવામાન પરિવર્તનને કારણે હવાનું પ્રદૂષણ ઘટશે અને જંગલોમાં લાગતી આગના જોખમમાં પણ ઘટાડો થશે. હવામાન વિભાગે સ્પષ્ટ કર્યું છે કે આ ફેરફારથી વિમાન સેવાઓ પર કોઈ મોટી અસર પડવાની શક્યતા નથી.
(4:19 PM IST)
