છેલ્લા 8 દિવસમાં સૌથી લોકપ્રિય હેં...વારાણસીમાં ભાજપનો પરાજય 9:51 AM
બાંગ્લાદેશમાં હિંસાનું તાંડવઃ ભારતીય મિશન ઉપર હૂમલો
કટ્ટરપંથી નેતા હાદિના મોત બાદ દેશ ભડકે બળ્યોઃ હિંસા - તોડફોડ - આગજનીઃ મિડીયા ઓફિસો અને આવામીલીગની ઓફિસોને નિશાન બનાવી ભારત વિરોધી દેખાવો શરૂઃ ભારે માત્રામાં સુરક્ષાદળો તૈનાતઃ ભારતે બંધ કર્યુ વીઝા સેન્ટરઃ સ્થિતિ બેકાબુ થતા યુનુસે ઉચ્ચ સ્તરીય બેઠક બોલાવી : બાંગ્લાદેશમાં સ્થિતિ “આઉટ ઓફ કંટ્રોલ” : અખબારોની કચેરીઅઑ ઉપર હૂમલાઃ ૨૫ પત્રકાર મરતા-મરતા બચ્યા
ઢાકા, તા.૧૯: બાંગ્લાદેશમાં આગામી ૧૨ ફેબ્રુઆરીએ યોજાનારી રાષ્ટ્રીય ચૂંટણીઓ પહેલા પરિસ્થિતિ અત્યંત સ્ફોટક બની ગઈ છે. ઇન્કિલાબ મંચના પ્રખર વક્તા અને લોકપ્રિય યુવા નેતા શરીફ ઉસ્માન હાદીનું સિંગાપોરમાં સારવાર દરમિયાન અવસાન થતાં સમગ્ર દેશમાં હિંસાનું વંટોળ ફૂંકાયું છે. ઢાકાની શેરીઓ રણમેદાનમાં ફેરવાઈ ગઈ છે, જ્યાં ગુસ્સે ભરાયેલા પ્રદર્શનકારીઓએ દેશના પ્રતિષ્ઠિત અખબારો પ્રથમ આલો અને ડેઇલી સ્ટારની ઓફિસો પર હુમલો કરી આગચંપી અને તોડફોડ કરી હતી. હાદી પર થયેલા જીવલેણ હુમલાએ સામાન્ય જનતામાં એવો રોષ ભર્યો છે કે પોલીસે પરિસ્થિતિને કાબૂમાં લેવા માટે લશ્કરની મદદ લેવી પડી છે. શરીફ ઉસ્માન હાદી ઇન્કિલાબ મંચ સંગઠનના પ્રવક્તા હતા અને સામાન્ય ચૂંટણી લડવાની તૈયારી કરી રહ્યા હતા. ગયા શુક્રવારે, જ્યારે તેઓ ઢાકામાં પોતાનો ચૂંટણી પ્રચાર શરૂ કરી રહ્યા હતા, ત્યારે માસ્ક પહેરેલા હુમલાખોરોએ તેમના માથામાં ગોળી મારી દીધી. તેમને ગંભીર હાલતમાં સ્થાનિક હોસ્પિટલમાં દાખલ કરવામાં આવ્યા હતા અને બાદમાં વધુ સારી સારવાર માટે સિંગાપોર લઈ જવામાં આવ્યા હતા. છ દિવસ લાઇફ સપોર્ટ સિસ્ટમ પર રહ્યા બાદ ગુરુવારે મોડી રાત્રે તેમનું અવસાન થયું.
પ્રદર્શન દરમિયાન, લોકોએ હાદીના નામે સૂત્રોચ્ચાર કર્યા અને હુમલા માટે જવાબદાર લોકો સામે કડક કાર્યવાહીની માંગ કરી. મોડી રાત સુધી ઘણા વિસ્તારોમાં તણાવ રહ્યો. પરિસ્થિતિને કાબુમાં લેવા માટે વધારાની પોલીસ અને અર્ધલશ્કરી દળો તૈનાત કરવામાં આવ્યા હતા. જોકે, હિંસા અંગે પોલીસ તરફથી તાત્કાલિક કોઈ સત્તાવાર નિવેદન આવ્યું નથી.
હિંસાની આ આગ માત્ર સ્થાનિક રાજકારણ સુધી સીમિત રહી નથી, પરંતુ તેણે આંતરરાષ્ટ્રીય મર્યાદાઓ પણ વટાવી દીધી છે. ચટગાંવમાં ભારતના સહાયક હાઈ કમિશનરના નિવાસસ્થાન પર હિંસક ટોળાએ પથ્થરમારો કરતા રાજદ્વારી તણાવ ચરમસીમાએ પહોંચ્યો છે. લગભગ ૧,૦૦૦ લોકોના ટોળાએ ભારતીય આવાસને ઘેરી લીધું હતું, જેને વિખેરવા માટે પોલીસે ટીયર ગેસ અને સ્ટન ગ્રેનેડનો ઉપયોગ કરવો પડ્યો હતો. ભારત વિરોધી સૂત્રોચ્ચાર અને હાઈ કમિશન તરફની કૂચ સૂચવે છે કે શેખ હસીનાના ગયા બાદ બાંગ્લાદેશમાં ભારત પ્રત્યેનો દ્રષ્ટિકોણ વધુ આક્રમક બન્યો છે, જે દક્ષિણ એશિયાની શાંતિ માટે ચિંતાનો વિષય છે.
હાદીના મળત્યુ પછી, વચગાળાના સરકારના વડા મોહમ્મદ યુનુસે રાષ્ટ્રને સંબોધન કર્યું, હાદીને નિર્ભય ફ્રન્ટલાઈન ફાઇટર ગણાવ્યો અને ફાશીવાદી આતંકવાદીઓને નિષ્ફળ બનાવવાનું વચન આપ્યું. ઢાકામાં પ્રદર્શનકારીઓએ ભારતીય આક્રમણનો અંત લાવો! અને લીગ સાથે સંકળાયેલા લોકોને પકડો અને મારી નાખો! જેવા નારા લગાવ્યા.
બાંગ્લાદેશના અંગ્રેજી ભાષાના અખબાર, ધ ડેઇલી સ્ટાર અને બંગાળી અખબાર, પ્રથમ આલો પર હુમલા ૧૯ ડિસેમ્બરની વહેલી સવારે કારવાન બજાર વિસ્તારમાં થયા હતા, જ્યારે શરીફ ઉસ્માન હાદીના મળત્યુના સમાચાર સિંગાપોરમાં ફેલાઈ ગયા હતા. ગુસ્સે ભરાયેલા ટોળાએ ઇમારતોમાં તોડફોડ કરી, ફર્નિચર અને દસ્તાવેજો લૂંટી લીધા અને આગ લગાવી દીધી. ધુમાડાને કારણે ઓફિસમાં હાજર ઘણા પત્રકારો અંદર ફસાઈ ગયા હતા.
વચગાળાની સરકારે રાષ્ટ્રીય શોકની જાહેરાત કરી છે, પરંતુ ૧૨ ફેબ્રુઆરીની ચૂંટણીઓ શાંતિપૂર્ણ રીતે યોજાશે કે કેમ તે મોટો પ્રશ્ન છે. હાદીનું મળત્યુ એ માત્ર એક નેતાનું અવસાન નથી, પરંતુ બાંગ્લાદેશની નવી લોકશાહી માટે એક કસોટી સમાન છે. એકતરફ શેખ હસીના વિરુદ્ધનો આક્રોશ અને બીજી તરફ કટ્ટરપંથી તત્વોનું વધતું જોર બાંગ્લાદેશને અનિﾍતિતાના અંધકાર તરફ ધકેલી રહ્યું છે. આગામી દિવસોમાં જો તપાસ પારદર્શક નહીં રહે અને સુરક્ષા કડક નહીં કરાય, તો આ હિંસા સમગ્ર પ્રદેશને લપેટમાં લઈ શકે છે.
બાંગ્લાદેશ હાલમાં વચગાળાની સરકાર હેઠળ કાર્યરત છે. ઓગસ્ટ ૨૦૨૪ માં વિદ્યાર્થીઓના વિરોધ પ્રદર્શન બાદ, તત્કાલીન વડા પ્રધાન શેખ હસીના દેશ છોડીને ભારત ભાગી ગયા હતા. ત્યારબાદ, નોબેલ પુરસ્કાર વિજેતા મુહમ્મદ યુનુસના નેતળત્વમાં એક વચગાળાનું વહીવટ રચવામાં આવ્યું હતું. આગામી રાષ્ટ્રીય ચૂંટણીઓ ૧૨ ફેબ્રુઆરીએ યોજાવાની છે. હાદીના મળત્યુ પછી રાષ્ટ્રને સંબોધતા, મુહમ્મદ યુનુસે કહ્યું કે આ બાંગ્લાદેશની રાજનીતિ અને લોકશાહી માટે એક અપૂર્ણ નુકસાન છે. તેમણે લોકોને શાંતિ જાળવવા અપીલ કરી અને તેમને ખાતરી આપી કે પારદર્શક તપાસ કરવામાં આવશે. યુનુસે ચેતવણી પણ આપી કે હિંસા દેશમાં નિષ્પક્ષ ચૂંટણીના માર્ગને નબળી પાડશે.
હાદીના સન્માનમાં વચગાળાની સરકારે શનિવારે રાજ્ય શોકની જાહેરાત કરી છે. રાષ્ટ્રધ્વજ અડધી કાઠીએ ફરકાવવામાં આવશે અને દેશભરમાં ખાસ પ્રાર્થનાઓ કરવામાં આવશે. હિંસાના અહેવાલો ફક્ત ઢાકા સુધી મર્યાદિત ન હતા. ચટગાંવ સહિત અન્ય ઘણા શહેરોમાં પણ અથડામણો નોંધાઈ હતી. આ તણાવ એવા સમયે વધ્યો છે જ્યારે તાજેતરમાં ભારત વિરોધી વિરોધ પ્રદર્શનો પણ જોવા મળ્યા હતા. શેખ હસીનાની ભારત મુલાકાત બાદ બંને દેશો વચ્ચેના સંબંધોમાં ખટાશ આવી છે. બુધવારે, જુલાઈ ઓઈકયાના બેનર હેઠળ પ્રદર્શનકારીઓએ ભારતીય હાઈ કમિશન તરફ કૂચ કરી અને ભારત વિરોધી સૂત્રોચ્ચાર કર્યા.
(10:42 AM IST)
