નવીદિલ્હી: ભારતીય હવામાન વિભાગ (આઈએમડી)એ ઉત્તર અને મધ્ય ભારતના ૧૬ રાજ્યોમાં ગાઢ ધુમ્મસ તથા શીતલહેરની ચેતવણી જારી કરી છે. પહાડી વિસ્તારોમાં હિમવર્ષા ચાલુ છે, જ્યારે મેદાની વિસ્તારોમાં હાડ થીજાવતી ઠંડીએ લોકોનું જીવન અસ્તવ્યસ્ત કરી દીધું છે. ૩૧ ડિસેમ્બર સુધી આ સ્થિતિ યથાવત રહેવાની આગાહી છે.

દેશમાં શિયાળાનો પ્રકોપ વધી રહ્યો છે. ભારતીય હવામાન વિભાગે ૧૬ રાજ્યોમાં ગાઢ ધુમ્મસ અને શીતલહેરની ચેતવણી જારી કરી છે. ઉત્તરાખંડ, ઉત્તર પ્રદેશ, હરિયાણા, પંજાબ, રાજસ્થાન, મધ્ય પ્રદેશ, બિહાર, દિલ્હી સહિત અન્ય રાજ્યોમાં રાત્રે અને સવારે ગાઢ ધુમ્મસ છવાયેલું રહેશે, જેના કારણે વાહનવ્યવહાર અને વિમાન સેવાઓ પર અસર પડી રહી છે.

એક અહેવાલ મુજબ ઉત્તર ભારતમાં ભારે પ્રદૂષણ સાથે કડકડતી ઠંડી અને હિમવર્ષાના કારણે ૧૬ રાજ્યોમાં એલર્ટ જારી કરાયું છે. જમ્મુ-કાશ્મીર, હિમાચલ પ્રદેશ અને ઉત્તરાખંડમાં પહાડો પર ભારે હિમવર્ષા થઈ રહી છે, જ્યારે મેદાનોમાં ધુમ્મસને કારણે દૃશ્યતા નીચી રહી છે.

અન્ય અહેવાલોમાં જણાવાયું છે કે, પંજાબમાં ઓરેન્જ એલર્ટ જારી છે અને કેટલાક વિસ્તારોમાં તાપમાન નીચું ગગડ્યું છે. રાજસ્થાનમાં અનેક શહેરોમાં ઠંડા પવનો ફૂંકાઈ રહ્યા છે, જ્યારે મધ્ય પ્રદેશમાં પણ શીતલહેરની અસર જોવા મળી રહી છે.

અન્ય મીડિયા પ્લેટફોર્મ પર પ્રસિદ્ધ થયેલા સમાચારોમાં ઉલ્લેખ છે કે, દિલ્હીમાં સતત ઠંડી વધી રહી છે અને વરસાદની પણ શક્યતા છે. ગુજરાતમાં પણ ઠંડીનો ચમકારો યથાવત છે, ખાસ કરીને કચ્છના નલિયા વિસ્તારમાં લઘુત્તમ તાપમાન નીચું નોંધાયું છે, જોકે અહીં શીતલહેરની ચેતવણી નથી.

આઈએમડીના સત્તાવાર બુલેટિન મુજબ, આ સ્થિતિ પશ્ચિમી વિક્ષેપ અને ઉત્તરીય ઠંડા પવનોના કારણે ઊભી થઈ છે. લોકોને સલાહ આપવામાં આવી છે કે બિનજરૂરી મુસાફરી ટાળો અને ગરમ કપડાં પહેરો.<

૩૧ સુધી ચાલુ રહેનારી આવી કડકડતી ઠંડીથી રાહત મળે તે માટે નવા વર્ષ સુધી રાહ જોવી પડશે, એમ હવામાન નિષ્ણાતોનું માનવું છે.