ગ્રેજયુએશનની પરીક્ષા આપી રહેલી વિદ્યાર્થીનીએ સેન્ટર પર જ પુત્રને જન્મ આપ્યો
બિહારના સમસ્તીપુર જીલ્લાની કોલેજની ઘટના : માાતા-દિકરો બંને સ્વસ્થઃ કિલકારીથી ગુંજી ઉઠયું પરિસર
પટનાઃ તા. ૨૨: બિહારના સમસ્તીપુર જિલ્લાના રોસેરા સ્થિત શશી કળષ્ણ કોલેજ પરીક્ષા કેન્દ્રમાં શનિવારે ગ્રેજ્યુએશનની પરીક્ષા આપવા આવેલી એક પરિણીત વિદ્યાર્થીનીએ પ્રસૂતિ પીડા વચ્ચે પરીક્ષા કેન્દ્ર પરિસરમાં અચાનક એક સ્વસ્થ બાળકને જન્મ આપ્યો. નવજાત શિશુના રડવાથી સમગ્ર કેમ્પસમાં ભાવનાત્મક વાતાવરણ સર્જાયું હતુ.
અહેવાલો અનુસાર, બેગુસરાય જિલ્લાના ચોઉદહી પોલીસ સ્ટેશન વિસ્તાર હેઠળના માલપુર ગામના રહેવાસી શિવમ કુમારની પત્ની રવિતા કુમારી કોલેજની વિદ્યાર્થી છે. તે શકરપુરા (હસનપુર) ની ભારદ્વાજ કોલેજમાં અભ્યાસ કરે છે. શનિવારે, તે અર્થશાષાની પરીક્ષા આપવા માટે થાટિયાની એસકે કોલેજ ખાતે કેન્દ્ર પર પહોંચી હતી.પરીક્ષા દરમિયાન, તેણીની તબિયત અચાનક બગડી ગઈ અને તેણીનપ્રસૂતિની તીવ્ર પીડા થવા લાગી. પરિસ્થિતિને સમજીને, કેન્દ્રમાં હાજર શિક્ષકો અને મહિલા સ્ટાફે તાત્કાલિક માનવતાવાદી પહેલ કરી, વિદ્યાર્થીનીને સલામત સ્થળે લઈ ગયા અને જરૂરી પ્રાથમિક સારવાર પૂરી પાડી. તેમણે આરોગ્ય વિભાગને પણ જાણ કરી અને એમ્બ્યુલન્સ બોલાવી.જોકે, તબીબી ટીમ આવે તે પહેલાં, રવિતાએ એક સ્વસ્થ પુત્રને જન્મ આપ્યો. આરોગ્ય કર્મચારીઓએ બાદમાં માતા અને નવજાત શિશુની તપાસ કરી, અને બંનેને સંપૂર્ણપણે સ્વસ્થ જાહેર કરવામાં આવ્યા.
(1:14 PM IST)
છેલ્લા 8 દિવસમાં સૌથી લોકપ્રિય 
