નવી દિલ્હી : લાંબા સમયની મંદી બાદ ભારતીય આઈટી ઉદ્યોગમાં ફરી રિકવરી જોવા મળી છે, કુલ નોકરીની માંગ ૧૮ લાખના આંકડાને સ્પર્શી ગઈ છે.

વર્ષ ૨૦૨૫ ભારતીય આઈટી સેક્ટર માટે આશાનું કિરણ લઈને આવ્યું છે. છેલ્લા વર્ષની સરખામણીમાં આ વર્ષે નોકરીની માંગમાં ૧૬ ટકાનો નોંધપાત્ર વધારો જોવા મળ્યો છે. ઈન્ડસ્ટ્રીના ડેટા મુજબ, કુલ જોબ ડિમાન્ડ ૧.૮ મિલિયન (૧૮ લાખ) રોલ સુધી પહોંચી ગઈ છે, જે ક્ષેત્રમાં નવેસરથી વેગ અને હાયરિંગનું જોર દર્શાવે છે. 
આ આંકડાઓ સ્પષ્ટ કરે છે કે વૈશ્વિક આર્થિક પડકારો છતાં ભારતીય ટેકનોલોજી સેક્ટર મજબૂતીથી બાઉન્સ બેક કરી રહ્યું છે. 
નવી ભરતીઓમાં આર્ટિફિશિયલ ઈન્ટેલિજન્સ, ક્લાઉડ કમ્પ્યુટિંગ અને ડેટા સાયન્સ જેવા ક્ષેત્રોમાં સૌથી વધુ માંગ જોવા મળી રહી છે.