નવી દિલ્હી : ઈન્ફ્રાસ્ટ્રક્ચર ક્ષેત્રે થોડી સુસ્તી જોવા મળી છે, ગયા વર્ષના નવેમ્બરની સરખામણીએ આ વર્ષે વિકાસ દરમાં ઘટાડો થયો છે.

સરકાર દ્વારા જાહેર કરવામાં આવેલા તાજેતરના આંકડા મુજબ, ભારતના આઠ મુખ્ય માળખાગત ક્ષેત્રો (કોર સેક્ટર્સ) ની વૃદ્ધિ ગતિ ધીમી પડી છે. નવેમ્બર મહિનામાં કોર સેક્ટરનો વિકાસ દર માત્ર ૧.૮ ટકા નોંધાયો છે, જે ગયા વર્ષના નવેમ્બર મહિનામાં ૫.૮ ટકા હતો. 
ક્રૂડ ઓઈલ, નેચરલ ગેસ, રિફાઈનરી પ્રોડક્ટ્સ, ખાતર, સ્ટીલ, સિમેન્ટ અને વીજળી જેવા ક્ષેત્રોમાં ઉત્પાદન અને માંગમાં થયેલા ફેરફારોને કારણે આ ઘટાડો જોવા મળ્યો છે. આ આંકડા અર્થવ્યવસ્થાની ગતિ પર અસર કરી શકે છે, જોકે નિષ્ણાતો માને છે કે આગામી મહિનાઓમાં તેમાં સુધારો જોવા મળી શકે છે.