નવી દિલ્હી : ભારત અને કેનેડા વચ્ચેના સંબંધોમાં આવેલા ઉતાર-ચઢાવ વચ્ચે એક સકારાત્મક સમાચાર આવ્યા છે. વાણિજ્ય મંત્રી પીયૂષ ગોયલે જણાવ્યું હતું કે બંને દેશો હાલમાં પ્રસ્તાવિત મુક્ત વ્યાપાર કરાર (એફટીએ) માટેના 'ટર્મ્સ ઓફ રેફરન્સ' (વાટાઘાટોની રૂપરેખા) નક્કી કરવા પર કામ કરી રહ્યા છે.

આ સંકેત દર્શાવે છે કે રાજકીય મતભેદો હોવા છતાં, બંને દેશો આર્થિક સહયોગ અને વ્યાપાર વધારવા માટે ઉત્સુક છે. જો આ વાટાઘાટો આગળ વધશે તો બંને દેશોના વેપારીઓ અને રોકાણકારો માટે નવી તકો ખુલશે.