નવી દિલ્હી/ઢાકા: બાંગ્લાદેશમાં અશાંતિનો માહોલ શમવાનું નામ નથી લઈ રહ્યો.  અહેવાલો મુજબ, બાંગ્લાદેશના ખુલના શહેરમાં વધુ એક વિદ્યાર્થી નેતા મોતાલેબ સિકદર પર જીવલેણ હુમલો થયો છે. હુમલાખોરોએ તેમને માથામાં ગોળી મારી હતી. આ ઘટના થોડા સમય પહેલા માર્યા ગયેલા શરીફ ઉસ્માન હાદીની હત્યા જેવી જ છે.
બીજી તરફ, ભારતીય ગુપ્તચર એજન્સીઓએ ચેતવણી આપી છે કે પાકિસ્તાની ગુપ્તચર સંસ્થા આઈએસઆઈ બાંગ્લાદેશના રસ્તે ભારતમાં ઘૂસણખોરી કરાવવાનું મોટું ષડયંત્ર રચી રહી છે. આ અહેવાલોને પગલે સરહદ પર સુરક્ષા વધારી દેવામાં આવી છે.