નવી દિલ્હી તા.૨૪ : તાઇવાનના દક્ષિણ-પૂર્વીય વિસ્તારમાં બુધવારે સાંજે લગભગ 5:47 વાગ્યે 6.1 તીવ્રતાનો ભૂકંપ આવ્યો છે. કોઈ નુકસાનની જાણ થઈ નથી. તેના આંચકા ચીન, ફિલિપાઇન્સ અને જાપાન સુધી અનુભવાયા હતા.

  કેન્દ્રીય હવામાન પ્રશાસન (CWA) અનુસાર, ભૂકંપનું કેન્દ્ર તાઇતુંગ કાઉન્ટી હોલથી 10.1 કિલોમીટર ઉત્તરમાં હતું અને તેની ઊંડાઈ 11.9 કિલોમીટર હતી.

તાઇવાનમાં ભૂકંપની તીવ્રતા 1 થી 7ના સ્કેલ પર માપવામાં આવે છે. તાઇતુંગ કાઉન્ટીમાં તીવ્રતા સ્તર 5 નોંધવામાં આવ્યું હતું, જ્યારે હુલીએન અને પિંગતુંગ કાઉન્ટીમાં સ્તર 4 અનુભવાયું હતું.

નેશનલ ફાયર એજન્સીએ જણાવ્યું કે તાઇવાનમાં હાલમાં કોઈ પણ પ્રકારના નુકસાનના કોઈ સમાચાર નથી.

તાઇવાનની ચિપ બનાવતી કંપની TSMCએ જણાવ્યું કે ભૂકંપની તીવ્રતા એટલી નહોતી કે આખા ટાપુ પર આવેલી તેની ફેક્ટરીઓને ખાલી કરાવવાની જરૂર પડે.

તાઇવાન બે ટેક્ટોનિક પ્લેટોના મિલન ક્ષેત્રની નજીક આવેલું છે, તેથી અહીં ભૂકંપનો ખતરો રહે છે.

સેન્ટ્રલ વેધર એડમિનિસ્ટ્રેશન અનુસાર તાઇપેઇ, કાઓશુન્ગ, તાઇચુંગ અને તાઇનાન સહિતના ઘણા વિસ્તારોમાં એલર્ટ જાહેર કરવામાં આવ્યું.

હુલિયન અને પિંગતુંગ કાઉન્ટીમાં ભૂકંપની તીવ્રતા તાઇવાનના સાત સ્તરના માપદંડ પર ચાર માપવામાં આવી.

એક વર્ષ પહેલા 7.2 તીવ્રતાનો ભૂકંપ આવ્યો હતો

કાઉહસિંગ, નાંતૌ, તાઇનાન, ચિયાઇ કાઉન્ટી, યુનલિન, ચિયાઇ શહેર અને ચાંગહુઆમાં સ્તર 3 અને તાઇચુંગ, મિયાઓલી, યિલાન, હ્સિંચુ કાઉન્ટી, હ્સિંચુ શહેર, તાઓયુઆન, ન્યૂ તાઇપે અને તાઇપેમાં સ્તર 2ની તીવ્રતા નોંધવામાં આવી.

તાઇવાનમાં 2024માં 7.2ની તીવ્રતાનો ભૂકંપ આવ્યો હતો. તેમાં 1,000 લોકો ઘાયલ થયા હતા. જ્યારે 2016માં દક્ષિણ તાઇવાનમાં આવેલા ભૂકંપમાં 100થી વધુ લોકો માર્યા ગયા હતા, જ્યારે 1999માં 7.3ની તીવ્રતાના ભૂકંપમાં 2,000થી વધુ લોકો માર્યા ગયા હતા.

બે ટેક્ટોનિક પ્લેટો પર વસેલું તાઈવાન

તાઈવાન બે ટેક્ટોનિક પ્લેટોના સંગમ પર આવેલું છે, તેથી અહીં ભૂકંપનું જોખમ સતત રહે છે.

સેન્ટ્રલ વેધર એડમિનિસ્ટ્રેશનના જણાવ્યા અનુસાર તાઈપેઈ, કાઓશ્યુંગ, તાઈચુંગ અને તાઈનાન સહિતના અનેક વિસ્તારોમાં એલર્ટ જારી કરવામાં આવ્યું છે.

હુલીયેન અને પિંગતુંગ કાઉન્ટીમાં ભૂકંપની તીવ્રતા તાઈવાનના સાત સ્તરના માપદંડ પર ચાર માપવામાં આવી હતી.