ટૂંકી વિગતો: ફ્રાન્સની રાજધાની પેરિસમાં મેટ્રો લાઇન ૩ પર અલગ-અલગ સ્ટેશનો પર ત્રણ મહિલાઓ પર ચાકુથી હુમલો કરવામાં આવતા મુસાફરોમાં ગભરાટ ફેલાયો હતો.

પેરિસના મેટ્રો સ્ટેશનો પર શુક્રવારે સાંજે હિંસક ઘટના બની હતી. એક શંકાસ્પદ હુમલાખોરે પેરિસ મેટ્રો લાઇન ૩ ના અલગ-અલગ સ્ટેશનો પર ત્રણ મહિલાઓ પર ચાકુ વડે હુમલો કર્યો હતો. 

ફ્રેન્ચ અધિકારીઓના જણાવ્યા અનુસાર, આ હુમલા ટૂંકા ગાળામાં કરવામાં આવ્યા હતા. સદનસીબે, ઈજાગ્રસ્ત મહિલાઓની સ્થિતિ જોખમની બહાર છે. સીસીટીવી ફૂટેજના આધારે પોલીસે ૨૪ વર્ષીય શંકાસ્પદ યુવકની ધરપકડ કરી લીધી છે. પ્રાથમિક તપાસમાં આ ઘટનામાં આતંકવાદી કાવતરાના કોઈ પુરાવા મળ્યા નથી.