પુણે,તા.૨૭: પુણેથી એક ચોંકાવનારી ઘટના સામે આવી છે, જ્‍યાં એક નવપરિણીત દંપતીએ તેમના લગ્નના માત્ર ૨૪ કલાકમાં જ અલગ થવાનો નિર્ણય લીધો. લગ્ન પછી તરત જ તેમની વચ્‍ચે ગંભીર મતભેદો ઉભા થયા, જેના કારણે તેઓએ કોર્ટનો સંપર્ક કર્યો અને સૌહાર્દપૂર્ણ રીતે તેમના લગ્નનો અંત લાવ્‍યો. આ ઘટનાએ હવે દેશવ્‍યાપી ચર્ચા જગાવી છે.

એડવોકેટ રાની સોનાવણેના મતે, પતિ-પત્‍ની વચ્‍ચે વૈચારિક મતભેદો એટલા ગંભીર હતા કે તેમણે તાત્‍કાલિક લગ્નનો અંત લાવવાનો નિર્ણય લીધો. નોંધપાત્ર વાત એ છે કે, આ કેસમાં હિસા કે ગુનાહિત ગેરરીતિના કોઈ આરોપ નહોતા. બંને વ્‍યક્‍તિઓએ શાંતિથી કાનૂની પ્રક્રિયાનું પાલન કર્યું અને પરસ્‍પર સંમતિથી લગ્નનો અંત લાવ્‍યો.

એડવોકેટ રાની સોનાવણેએ સમજાવ્‍યું કે દંપતી તેમના લગ્નના બીજા દિવસે જ અલગ રહેવાનું શરૂ કર્યું. તે પ્રેમ લગ્ન હતા અને તેઓ લગ્ન પહેલા બે થી ત્રણ વર્ષ સુધી એકબીજાને ઓળખતા હતા. લગ્ન પછી, પતિએ તેની પત્‍નીને કહ્યું કે તે જહાજ પર કામ કરે છે અને તે ક્‍યારે, ક્‍યાં પોસ્‍ટિંગ થશે, અથવા તે કેટલો સમય દૂર રહેશે તે આગાહી કરી શકતો નથી.

આને ધ્‍યાનમાં રાખીને, તેઓએ પરસ્‍પર નિર્ણય લીધો કે અલગ થવું એ શ્રેષ્ઠ વિકલ્‍પ છે. કોર્ટે આવા કેસોને લાગુ પડતી સુપ્રીમ કોર્ટની માર્ગદર્શિકા પર વિચાર કર્યા પછી પોતાનો નિર્ણય જાહેર કર્યો. એડવોકેટ સોનાવણેએ આﾍર્ય વ્‍યક્‍ત કર્યું કે લગ્ન પહેલાના તેમના બે વર્ષના સંબંધ દરમિયાન આવા મહત્‍વપૂર્ણ મુદ્દા પર ચર્ચા થઈ ન હતી. સ્‍ત્રી વ્‍યવસાયે ડોક્‍ટર છે, જ્‍યારે પુરુષ એન્‍જિનિયર છે અને જહાજ પર કામ કરે છે.