નવી દિલ્‍હી, તા.૨૭: ઉત્તર પ્રદેશના બાગપત જિલ્લાની ખાપ પંચાયતે કિશોરો માટે સ્‍માર્ટફોન અને છોકરાઓ અને છોકરીઓ બંને માટે હાફ પેન્‍ટ પર પ્રતિબંધ મૂકવાનો નિર્ણય લીધો છે. પંચાયતે પﾍમિી પ્રભાવ અને સાંસ્‍કળતિક મૂલ્‍યોને બચાવવા માટે આ જરૂરી હોવાનું જણાવ્‍યું છે. પંચાયતે લગ્ન માટે નવી માર્ગદર્શિકા પણ લાગુ કરી છે.

પંચાયતની માર્ગદર્શિકા અનુસાર, લગ્ન સમારોહ ફક્‍ત ગામડાઓ અથવા ઘરોમાં જ યોજાશે, લગ્ન હોલમાં નહીં. વધુમાં, મહેમાનોની સૂચિ મર્યાદિત રહેશે અને ખર્ચ નિયંત્રિત કરવામાં આવશે. લગ્નના આમંત્રણો હવે વોટ્‍સએપ દ્વારા મોકલવામાં આવશે. ૧૮ થી ૨૦ વર્ષથી ઓછી ઉંમરના કિશોરો માટે સ્‍માર્ટફોનનો ઉપયોગ પ્રતિબંધિત રહેશે. છોકરાઓ અને છોકરીઓ બંને માટે હાફ પેન્‍ટ પર પ્રતિબંધ રહેશે. પંચાયત કહે છે કે આ પગલું પરંપરાગત મૂલ્‍યોને પ્રોત્‍સાહન આપવા અને અનિચ્‍છનીય પ્રથાઓને રોકવા માટે લેવામાં આવ્‍યું છે.

ખાપ સભ્‍ય ચૌધરી બ્રજપાલ સિંહે કહ્યું, સમાજનો નિર્ણય સર્વોપરી છે. અમે રાજસ્‍થાનમાં લેવાયેલા નિર્ણયની પણ પ્રશંસા કરીએ છીએ. બાળકોને પરિવાર અને વડીલો દ્વારા યોગ્‍ય શિક્ષણ અને સામાજિક માર્ગદર્શન મળવું જોઈએ. ૧૮-૨૦ વર્ષની વયના છોકરાઓને ફોનની જરૂર નથી. આ નિર્ણયને પ્રોત્‍સાહન આપવા માટે ગામડાઓમાં જાગળતિ અભિયાન ચલાવવામાં આવશે. દરમિયાન, દગડ ખાપના ચૌધરી ઓમપાલ સિંહે કહ્યું, છોકરીઓને મોબાઇલ ફોન આપવાથી ખરાબ ટેવો પડી શકે છે. છોકરાઓને પણ આ જ નિયમ લાગુ પડશે. ફોન ફક્‍ત ઘરે જ રાખવા જોઈએ.

સ્‍થાનિક રહેવાસી નરેશ પાલે કહ્યું, આ નિર્ણય સર્વાનુમતે લેવામાં આવ્‍યો છે. શાળામાં મોબાઇલ ફોન અલગ અલગ હોય છે; ઘરે જ તેનું નિયંત્રણ કરવું મહત્‍વપૂર્ણ છે. આ નિર્ણય સમયસર અને યોગ્‍ય છે. પંચાયતે સમગ્ર ઉત્તર પ્રદેશમાં આ નિર્ણય લાગુ કરવાનો અને અન્‍ય ખાપ સાથે સંકલનમાં રાજ્‍યવ્‍યાપી ઝુંબેશ શરૂ કરવાનો પણ નિર્ણય લીધો છે. આ પગલા દ્વારા, પંચાયત પરંપરાગત મૂલ્‍યો અને સામાજિક શિસ્‍તને પ્રોત્‍સાહન આપવાની યોજના ધરાવે છે