મુંબઈ : વર્ષ ૨૦૨૬નું આગમન થવાની તૈયારીમાં છે ત્યારે ભારતીય શેરબજારમાં રોકાણકારો માટે ઉત્સાહનો માહોલ જોવા મળી રહ્યો છે. બજારમાં પ્રવર્તતી અસ્થિરતા અને વૈશ્વિક દબાણો વચ્ચે પણ જાણીતી બ્રોકરેજ ફર્મ 'નિર્મલ બંગ' દ્વારા એવા ૮ મજબૂત શેરોની યાદી જાહેર કરવામાં આવી છે, જે આગામી વર્ષમાં રોકાણકારોના પોર્ટફોલિયોને ન્યાલ કરી શકે છે. બ્રોકરેજના અંદાજ મુજબ, આ સ્ટોક્સમાં ૫૩% સુધીનું માતબર વળતર આપવાની ક્ષમતા રહેલી છે.
બ્રોકરેજની આ યાદીમાં ટેલિકોમ ક્ષેત્રની દિગ્ગજ કંપની ભારતી એરટેલ અને બેન્કિંગ સેક્ટરની મજબૂત ખેલાડી આઈસીઆઈસીઆઈ બેંક (ICICI Bank) મોખરે છે. એરટેલ તેના ડેટા ટેરિફમાં વધારો અને 5G વિસ્તરણને કારણે નફાકારક દેખાઈ રહી છે, જ્યારે ICICI બેંક તેની મજબૂત બેલેન્સ શીટને કારણે વિશ્લેષકોની પસંદગી બની છે. આ ઉપરાંત, કન્ઝ્યુમર ડ્યુરેબલ્સમાં એલજી ઇલેક્ટ્રોનિક્સ ઇન્ડિયા અને એફએમસીજી સેક્ટરમાં વરુણ બેવરેજીસ પણ રોકાણકારોને મોટો નફો કરાવી શકે છે.
 નિર્મલ બંગે માત્ર લાર્જકેપ જ નહીં, પણ ઉભરતી કંપનીઓ પર પણ ભરોસો મૂક્યો છે. સિમેન્ટ સેક્ટરમાં અંબુજા સિમેન્ટ્સ, એન્જિનિયરિંગ ક્ષેત્રે ડિફ્યુઝન એન્જિનિયર્સ અને યુનિપાર્ટ્સ ઇન્ડિયા જેવા શેરો ભવિષ્યમાં મલ્ટિબેગર સાબિત થઈ શકે છે. ઈલેક્ટ્રોનિક્સ મેન્યુફેક્ચરિંગમાં જીએનજી ઈલેક્ટ્રોનિક્સ પણ ૨૦૨૬ માટે એક આકર્ષક રોકાણ માનવામાં આવે છે.
 નિષ્ણાતોનું માનવું છે કે નવું વર્ષ સંપત્તિ સર્જન માટે ઉત્તમ છે, પરંતુ રોકાણ કરતા પહેલા કંપનીના ફંડામેન્ટલ્સ અને બજારની સ્થિતિનું વિશ્લેષણ કરવું અનિવાર્ય છે. શેરબજારમાં રોકાણ જોખમોને આધીન છે, તેથી કોઈપણ મોટું રોકાણ કરતા પહેલા નાણાકીય સલાહકારની મદદ લેવી હિતાવહ છે