મુંબઈ મહાનગર પાલિકાની ચૂંટણીને લઈને એક મોટા સમાચાર સામે આવ્યા છે. મહાયુતિ ગઠબંધનમાં બેઠક વહેંચણીનો મુદ્દો ઉકેલાઈ ગયો છે. હવે ભાજપ અને શિવસેના કેટલી બેઠકો પર ચૂંટણી લડશે તેની ફોર્મ્યુલા પણ જાહેર થઈ ગઈ છે. મુંબઈમાં શિવસેના 227માંથી 90 બેઠકો પર ચૂંટણી લડશે જ્યારે ભાજપ 137 બેઠકો પર ચૂંટણી લડશે. મંગળવારે ઉમેદવારી પત્ર ભરવાની છેલ્લી તારીખ છે, આથી આવતીકાલે મહાયુતિ ગઠબંધનના તમામ ઉમેદવારો ઉમેદવારી પત્રો ભરશે.