તેલંગાણા પોલીસને નક્સલવાદ વિરોધી અભિયાનમાં મોટી સફળતા મળી છે. લાંબા સમયથી નાસતા ફરતા મોસ્ટ વોન્ટેડ નક્સલી બારસા દેવાએ આજે પોલીસ સમક્ષ આત્મસમર્પણ કર્યું છે.
તેલંગાણામાં નક્સલવાદની કમર તોડતી એક ઘટનામાં, કુખ્યાત અને પોલીસ ચોપડે મોસ્ટ વોન્ટેડ યાદીમાં સામેલ નક્સલી કમાન્ડર બારસા દેવાએ આજે તેલંગાણા પોલીસ સમક્ષ શરણાગતિ સ્વીકારી લીધી છે. બારસા દેવા અનેક હિંસક ઘટનાઓમાં સંડોવાયેલો હતો અને પોલીસ તેને લાંબા સમયથી શોધી રહી હતી.
પોલીસના જણાવ્યા અનુસાર, સરકારની પુનર્વસન નીતિ અને પોલીસના સતત દબાણને કારણે તેણે હિંસાનો માર્ગ છોડીને મુખ્ય પ્રવાહમાં પાછા ફરવાનો નિર્ણય લીધો છે. તેના શરણાગતિ સ્વીકારવાથી નક્સલી સંગઠનને મોટો ફટકો પડ્યો છે અને આ વિસ્તારમાં શાંતિ સ્થાપવાના પોલીસના પ્રયાસોને બળ મળ્યું છે.