વહેલી સવારે આસામમાં ભૂકંપઃ પૂર્વોત્તર રાજ્યોમાં ધ્રુજારી
આસામના મોરીગાંવ જિલ્લામાં ૫.૧ની તીવ્રતાનો ભૂકંપ આવ્યો : જાનમાલને નુકસાનના તાત્કાલિક કોઈ અહેવાલ નથી
નવી દિલ્હી,તા.૦૫: રાષ્ટ્રીય ભૂકંપ વિજ્ઞાન કેન્દ્ર (NCS) અનુસાર, સોમવારે સવારે આસામના મોરીગાંવ જિલ્લામાં ૫.૧ની તીવ્રતાનો ભૂકંપ આવ્યો.
ભૂકંપ સવારે ૦૪:૧૭:૪૦ વાગ્યે અનુભવાયો હતો, તેનું કેન્દ્રબિંદુ ૨૬.૩૭ ઉત્તર અક્ષાંશ અને ૯૨.૨૯ E રેખાંશ ૫૦ કિમીની ઊંડાઈએ હતું. આસામ અને શિલોંગ, મેઘાલયના અનેક જિલ્લાઓમાં આંચકા અનુભવાયા હતા. ભૂકંપ બ્રહ્મપુત્રા નદીના દક્ષિણ કિનારે મોરીગાંવ જિલ્લામાં નોંધાયો હતો.
કામરૂપ મેટ્રોપોલિટન, નાગાંવ, પૂર્વ અને પﾍમિ કાર્બી આંગલોંગ, હોજાઈ, દીમા હસાઓ, ગોલાઘાટ, જોરહાટ, શિવસાગર, ચરાઈડિયો, કચર, કરીમગંજ, હૈલાકાંડી, ધુબરી, દક્ષિણ સલમારા માનકાચર અને ગોલપારાના રહેવાસીઓએ આંચકો અનુભવ્યો હતો.
દારાંગ, તામુલપુર, સોનિતપુર, કામરૂપ, વિશ્વનાથ, ઉદલગુરી, નલબારી, બજાલી, બરપેટા, બક્સા, ચિરાંગ, કોકરાઝાર, બોંગાઈગાંવ અને લખીમપુર સહિત ઉત્તરના કેટલાક જિલ્લાઓમાં પણ આંચકા અનુભવાયા હતા.
ભૂકંપની અસર આસામથી ઘણા દૂર સુધી ફેલાઈ હતી. અરુણાચલ પ્રદેશ, સમગ્ર મેઘાલય રાજ્ય, તેમજ નાગાલેન્ડ, મણિપુર, મિઝોરમ, ત્રિપુરા અને પﾍમિ બંગાળના કેટલાક ભાગોમાં ભૂકંપના આંચકા અનુભવાયા હતા. ભૂકંપશાષીય અહેવાલો અનુસાર, ભૂકંપ એટલા મજબૂત હતા કે મધ્ય પૂર્વીય ભૂટાન, ચીન અને બાંગ્લાદેશના કેટલાક ભાગોમાં પણ અનુભવાયા.
અધિકારીઓએ જણાવ્યું હતું કે જાનમાલના નુકસાનના તાત્કાલિક કોઈ અહેવાલ નથી, જોકે મધ્ય આસામના કેટલાક ભાગોમાં લોકોએ હળવાથી મધ્યમ ભૂકંપના આંચકા અનુભવ્યા હતા. અધિકારીઓ પરિસ્થિતિ પર નજર રાખી રહ્યા છે.(૪૦.૧૨)
(10:29 AM IST)
છેલ્લા 8 દિવસમાં સૌથી લોકપ્રિય 
