લખનૌ: સમગ્ર ઉત્તર ભારતમાં હાલ શીતલહેરનો પ્રકોપ જોવા મળી રહ્યો છે. હવામાન વિભાગના તાજા આંકડા મુજબ, રવિવારે ઉત્તર પ્રદેશનું કાનપુર શહેર પહાડી વિસ્તારો કરતાં પણ વધુ ઠંડુ નોંધાયું છે.

શનિવાર અને રવિવારની રાત પ્રદેશની સૌથી ઠંડી રાત રહી હતી. 

કાનપુરમાં લઘુત્તમ તાપમાન ગગડીને ૩.૨ ડિગ્રી સેલ્સિયસ પર પહોંચી ગયું હતું, જે આ સિઝનનું સૌથી નીચું તાપમાન છે. નવાઈની વાત એ છે કે કાનપુરનું આ તાપમાન પ્રખ્યાત હિલ સ્ટેશન શિમલા અને મસૂરી કરતાં પણ ઓછું નોંધાયું છે. 

દિવસ દરમિયાન પણ બર્ફીલા પવનો ફૂંકાવાને કારણે જનજીવન પર માઠી અસર પડી છે.