૨૦૨૫માં મ્યુ-ફંડોએ રેકોર્ડ તોડયોઃ ચોખ્ખી ઇક્વિટી ખરીદી રૂા.૪.૯ લાખ કરોડ થઈ
ચોખ્ખી ઇક્વિટી ખરીદી ૧૩% વધીને રૂા.૪.૯ લાખ કરોડ થઈ અને ઇક્વિટી હોલ્ડિંગ પહેલી વાર રૂા.૫૦ લાખ કરોડને વટાવી ગયું
મુંબઇ તા.૫: સિક્યોરિટીઝ એન્ડ એક્સચેન્જ બોર્ડ ઓફ ઇન્ડિયા (SEBI) ના ડેટા અનુસાર, કેલેન્ડર વર્ષ ૨૦૨૫માં મ્યુચ્યુઅલ ફંડ્સ દ્વારા ચોખ્ખી ઇક્વિટી ખરીદી ૧૩% વધીને ૩૦ ડિસેમ્બર સુધીમાં રેકોર્ડ રૂા.૪.૯ લાખ કરોડ થઈ ગઈ. ખરીદી ૨૦૨૪માં નોંધાયેલા રૂા.૪.૩ લાખ કરોડના અગાઉના ઉચ્ચતમ સ્તરને વટાવી ગઈ. શેરબજારમાં મંદી હોવા છતાં આ વધારો થયો છે.
મ્યુચ્યુઅલ ફંડ્સ દ્વારા શેરની ચોખ્ખી ખરીદી સતત પાંચમા વર્ષે હકારાત્મક રહી છે. છેલ્લા કેટલાક વર્ષોમાં મ્યુચ્યુઅલ ફંડ્સ દ્વારા ઇક્વિટી ખરીદીમાં ઝડપથી વધારો થયો છે. ૨૦૨૩માં રૂા.૧.૭ લાખ કરોડ અને ૨૦૨૨માં રૂા.૧.૯ લાખ કરોડની ચોખ્ખી ખરીદી બાદ, મ્યુચ્યુઅલ ફંડ રોકાણો ૨૦૨૪માં બમણાથી વધુ વધી ગયા અને ૨૦૨૫માં નવા શિખર પર પહોંચ્યા. નિષ્ણાતો માને છે કે બજારમાં ઊંચી અસ્થિરતા હોવા છતાં, મ્યુચ્યુઅલ ફંડ યોજનાઓમાં સતત રોકાણને કારણે ખરીદી સતત વધી છે. છૂટક રોકાણકારોની મજબૂત ભાગીદારી અને વ્યવસ્થિત રોકાણ યોજનાઓ (SIPs) દ્વારા સતત રોકાણોએ સમગ્ર વર્ષ દરમિયાન મ્યુચ્યુઅલ ફંડ્સને તરતા રાખ્યા છે.
મજબૂત ફંડ રોકાણો અત્યાર સુધી શેરબજારના પ્રદર્શનમાં મુખ્ય ભૂમિકા ભજવી રહ્યા છે, ખાસ કરીને જ્ભ્ત્ત દ્વારા વેચાણને જોતાં. સ્થાનિક સંસ્થાકીય રોકાણકારો (DIIs, જેમાં સ્થાનિક મ્યુચ્યુઅલ ફંડ્સ, વીમા કંપનીઓ, પેન્શન ફંડ્સ, વગેરેનો સમાવેશ થાય છે) એ શેરબજારમાં રૂા.૭ લાખ કરોડથી વધુનું રોકાણ કર્યું છે.
મ્યુચ્યુઅલ ફંડ્સ દ્વારા સતત ખરીદીને કારણે ફંડ્સના ઇક્વિટી હોલ્ડિંગને પહેલીવાર ?૫૦ લાખ કરોડથી વધુની સપાટીએ ધકેલી દેવામાં આવ્યા છે. પ્રાઇમ ડેટાબેઝના ડેટા અનુસાર, ઓક્ટોબરના અંતમાં ઇક્વિટી એસેટ્સ રૂા.૫૦.૬ લાખ કરોડ પર રહી હતી, જે બે વર્ષમાં થોડા વધુ સમયમાં બમણી થઈ ગઈ છે.(૩૮.૯)
(10:03 AM IST)
છેલ્લા 8 દિવસમાં સૌથી લોકપ્રિય 
