માત્ર ખોટો આદેશ આપવા બદલ કે ન્યાયિક નિર્ણયમાં ભૂલ થવા બદલ કોઈ ન્યાયાધીશને બરતરફ કરી શકાય નહીં: સર્વોચ્ચ અદાલત
ન્યાયિક અધિકારીઓની સ્વતંત્રતાના રક્ષણ માટે સુપ્રીમનો મહત્વનો નિર્ણય
નવી દિલ્હીઃ સુપ્રીમ કોર્ટે સ્પષ્ટ કર્યું છે કે માત્ર ખોટો આદેશ આપવા બદલ કે ન્યાયિક નિર્ણયમાં ભૂલ થવા બદલ કોઈ ન્યાયાધીશને બરતરફ કરી શકાય નર્હીં
આ કેસ નિર્ભય સિહ સુલિયા વિરુદ્ધ મધ્યપ્રદેશ રાજ્યનો છે. જેમાં નિર્ભય સિહ સુલિયા મધ્યપ્રદેશના ન્યાયિક અધિકારી હતા, જેમને સપ્ટેમ્બર ૨૦૧૫માં ભ્રષ્ટાચારના આરોપો હેઠળ નોકરીમાંથી બરતરફ કરવામાં આવ્યા હતા.
* તેમના પર આરોપ હતો કે તેમણે આબકારી કાયદા (એક્સાઈઝ એક્ટ) હેઠળ જામીન આપવામાં અલગ-અલગ માપદંડો અપનાવ્યા હતા.
* હાઈકોર્ટે પણ આ બરતરફીને માન્ય રાખી હતી, જેની સામે સુલિયાએ સુપ્રીમ કોર્ટમાં અપીલ કરી હતી.
આ મહત્વપૂર્ણ ચુકાદો સુપ્રીમ કોર્ટની બે જજોની ખંડપીઠ દ્વારા આપવામાં આવ્યો હતોઃ ૧. જાસ્ટિસ જે.બી. પારડીવાલા અને
૨. જાસ્ટિસ કે.વી. વિશ્વનાથન
સુપ્રીમ કોર્ટે આપેલા મુખ્ય નિર્દેશો
* ભૂલ કરવી માનવીય છેઃ ખંડપીઠે જણાવ્યું હતું કે ઙ્કભૂલ કરવી એ માનવીય છેઙ્ઘ અને કોઈ પણ ન્યાયાધીશ એવો દાવો ન કરી શકે કે તેમણે ક્યારેય ખોટો આદેશ આપ્યો નથી.
* માત્ર ખોટો આદેશ ગુનો નથીઃ માત્ર આદેશ ખોટો હોવો અથવા નિર્ણય લેવામાં ભૂલ થવી તે શિસ્તભંગની કાર્યવાહી માટે પૂરતું નથી, સિવાય કે તેમાં બદદાનત અથવા ભ્રષ્ટાચારના સ્પષ્ટ પુરાવા હોય.
* ન્યાયિક સ્વતંત્રતા : જો ન્યાયાધીશોને સતત વહીવટી કાર્યવાહીનો ડર રહેશે, તો તેઓ મુક્તપણે અને નિર્ભયતાથી ન્યાય આપી શકશે નહીં.
* સુપ્રીમ કોર્ટે નિર્ભય સિહ સુલિયાની બરતરફીનો ઓર્ડર રદ કર્યો છે અને તેમને નિવૃત્તિ સુધીના તમામ આર્થિક લાભો ચૂકવવાનો આદેશ આપ્યો છે.
આ ચુકાદાથી નીચલી અદાલતોના હજારો ન્યાયિક અધિકારીઓને મોટી રાહત મળી છે. સુપ્રીમ કોર્ટે પુનરોચ્ચાર કર્યો છે કે ‘ભૂલ કરવી એ માનવીય છે' અને કાયદાકીય અર્થઘટનમાં થતી ભૂલોને ભ્રષ્ટાચાર માની લેવી ન્યાયતંત્ર માટે જોખમી છે.
(4:07 PM IST)
છેલ્લા 8 દિવસમાં સૌથી લોકપ્રિય 
