તહેરાન: વેનેઝુએલામાં અમેરિકાની તાજેતરની આક્રમક કાર્યવાહી બાદ ઈરાનના શાસકોમાં ગભરાટ ફેલાયો છે. ઈરાનના ત્રણ વરિષ્ઠ અધિકારીઓએ વિદેશી મીડિયાને આપેલી માહિતી મુજબ, તેહરાનમાં એવી દહેશત છે કે અમેરિકા અથવા ઈઝરાયેલ હવે પછીનું નિશાન ઈરાનને બનાવી શકે છે. 
ડોનાલ્ડ ટ્રમ્પની આક્રમક વિદેશ નીતિના કારણે ઈરાન પર સૈન્ય કાર્યવાહી થઈ શકે છે તેવી ભીતિ ઈરાની સરકારના ઉચ્ચ વર્તુળોમાં સેવાઈ રહી છે. આ તણાવને કારણે ખાડી વિસ્તારમાં યુદ્ધના વાદળો ઘેરાયા છે.